शेअर बाजाराची रेकॉर्ड ब्रेक सुरुवात; सेन्सेक्स, निफ्टीने गाठला नवा उच्चांक; अदाणी समूह आणि एसबीआयचे शेअर वधारले

सर्व शेअर्स हिरव्या रंगात उघडलेत आणि निर्देशांक सुरुवातीच्या व्यापारात हिरव्या रंगात व्यवहार करीत होता. पीएसयू बँक निर्देशांक ०.६४ टक्क्यांनी वाढला, त्यानंतर निफ्टी मेटल ०.४९ टक्क्यांनी, ऑटो निर्देशांक ०.४२ टक्क्यांनी आणि आयटी निर्देशांक ०.३७ टक्क्यांनी वाढला. दरम्यान, निफ्टी स्मॉलकॅप ५० ०.६९ टक्क्यांनी, निफ्टी स्मॉलकॅप १०० ०.६१ टक्क्यांनी, निफ्टी स्मॉलकॅप ३५० ०.५८ टक्क्यांनी वाढला आणि निफ्टी मिड स्मॉलकॅप ४०० ०.५१ टक्क्यांनी वधारला.

हेही वाचाः Money Mantra : पहिल्यांदाच शेअर बाजारात गुंतवणूक करताय; मग काय करावे अन् काय करू नये, जाणून घ्या…

गौतम अदाणी यांनी मंगळवारी हिंडेनबर्ग अहवालात चुकीची माहिती दिली असल्याचे सांगितल्यानंतर सुरुवातीच्या व्यापारात अदाणी एंटरप्रायझेस अव्वल लाभधारकांपैकी एक होता, कारण तो ०.९० टक्क्यांनी वाढला होता. दुसरीकडे HDFC लाईफ, ओएनजीसी, एनटीपीसी, सिप्ला, कोटक बँक, कोल इंडिया, अॅक्सिस बँक, पॉवर ग्रिड, मारुती सुझुकी, अल्ट्राटेक सिमेंट आणि हिंदुस्तान युनिलिव्हर या वेळी सर्वाधिक तोट्यात होते. टाटा मोटर्स, एसबीआय, डिव्हिस लॅब, टायटन, आयशर मोटर्स, टाटा स्टील, हिंदाल्को, बजाज फायनान्स, बजाज ऑटो, ब्रिटानिया, टेक महिंद्रा, एचडीएफसी, इन्फोसिस आणि एशियन पेंट्स हे सकाळच्या व्यवहारात आघाडीवर होते.

हेही वाचाः Money Mantra : श्रीमंत व्हायचंय! मग कंपाऊंडिंग शक्ती वापरा अन् ‘या’ १० गोष्टींचं पालन करा