‘बेगानी शादी मे अब्दुल्ला दिवाना’ (भाग २)

काही उदाहरणे अशी सुद्धा देण्यात आली आहेत की, जिथे अल्पेश स्वतः कार्यक्रमात येऊन एखादा समभाग विकत घ्या असे सांगत आहे आणि तेच समभाग त्याने आधीच घेऊन ठेवले आहेत आणि आपल्या कार्यक्रमानंतर ते विकून नफा कमावला. पंड्याने असा बचाव केला की, त्याने सुचवलेले समभाग हे दूरचित्रवाणीच्या अंतर्गत संशोधनातून असतात, जे आदल्या दिवशी त्यांना मिळतात. पण ‘सेबी’ने ते देखील सिद्ध केले. ‘सेबी’ने हेसुद्धा सांगितले की, कसे पंड्याने तो कार्यक्रम सोडल्यावर अल्पेशनेसुद्धा सामाजिक माध्यमांवर नवीन दूरचित्रवाणीवर जाण्याचे जाहीर केले. या दोघांनी असे देखील सांगण्याचा प्रयत्न केला की, नेहमीच फायदा झालेला नाही तर कधीतरी नुकसानसुद्धा होते. यात ‘सेबी’ने चक्क पोकर या कॅसिनोमध्ये खेळल्या जाणाऱ्या पत्त्यांच्या खेळाचे उदाहरण दिले आहे. पोकरमधील सगळ्यात जास्त कमावून देणारी बोली म्हणजे रॉयल फ्लश. घोटाळा करणारा ते सगळे पत्ते चिन्हांकित करतो आणि त्याच्या मित्राकडे देतो. जो हे पत्ते वाटतो खेळायला जाण्याच्या आधीच त्याला माहित असते की, रॉयल फ्लशचे पत्ते कुठे आहेत. त्यामुळे त्याची बोली लागली नाही तरी खेळायला जाताना त्याचा उद्देश खेळात घोटाळा करणे हाच असतो. इथे ही तेच झाले असे ‘सेबी’चे म्हणणे होते.

आणखी वाचा

पिंपरी : आधी मतदानाची शपथ… नंतर विवाह सोहळा…

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

“लग्नसंस्था आता आपण समाजानेचं मोडीत काढल्यात…”, घटस्फोटाबाबत बोलताना विशाखा सुभेदारचं वक्तव्य, म्हणाली…

भगरे गुरुजींचा मुलगा लवकरच अडकणार लग्नबंधनात; लेकीने लग्नघराचा व्हिडीओ केला शेअर

‘तारक मेहता का उल्टा चष्मा’ फेम अभिनेत्री लवकरच अडकणार लग्नबंधनात; ‘या’ दिवशी वाजणार सनई-चौघडे

८ वर्षांचं प्रेम, कुटुंबियांचा विरोध अन्…; ‘ही’ लोकप्रिय मुस्लीम अभिनेत्री ‘या’ दिवशी करणार आंतरधर्मीय लग्न

१४ वर्षांचा संसार मोडण्याचं कारण काय? पहिल्यांदाच बोलली ‘खल्लास गर्ल’; म्हणाली, “त्याने अत्यंत बेजबाबदारपणे…”

Video : ‘नवरा माझा नवसाचा २’ फेम अभिनेत्री लवकरच अडकणार विवाहबंधनात, मैत्रिणींसह केली Bride To Be पार्टी

हेही वाचा: माझा पोर्टफोलियो : अचल मालमत्तांचे चलनी लाभ मोठे!

अल्पेशने फक्त या चौकशीच्या काळात म्हणजे मे २०२० ते सप्टेंबर २०२१ मध्ये बावन्न लाख रुपये बँक खात्यातून रोख काढले. याचे उद्दिष्ट काहीही असले तरी ‘सेबी’च्या म्हणण्यानुसार वरील गुन्हे महत्त्वाचे आहेत आणि त्याचा दोघांच्या आर्थिक देवाणघेवाणीशी काहीही संबंध नाही. अशाप्रकारे अल्पेश आणि त्याच्या संबंधितांनी सुमारे १०.७३ कोटींचा नफा या काळात कमावला. ‘सेबी’ने आपल्या आदेशात हा नफा १२ टक्के साध्या व्याजदराने गुंतवणूकदारांचे सरंक्षण आणि शिक्षण फंडात जमा करायला सांगितले आहे. त्याव्यतिरिक्त सर्वांना मिळून २.६० कोटींचा दंडसुद्धा ठोठावण्यात आला.

हेही वाचा: पुस्तके वाचणारा शेअर दलाल : मोतीलाल ओसवाल

पण या ‘बेगानी शादी मे एक अब्दुल्ला दिवाना’ होता. या अब्दुल्लाचे नाव होते ओपू फुनीकांत नाग. हा नुसताच दिवाना नव्हता तर घसघशीत नफ्यात सुद्धा होता. हा अल्पेशकडे कारकून म्हणून काम करायचा आणि पगारवाढीची मागणी करायचा. अल्पेशने त्याला पगारवाढी ऐवजी शेअरच्या टीप देऊ केल्या आणि महिन्याला अवघे १५ हजार रुपये कमावणाऱ्या ओपूने चक्क सव्वा दहा लाखांचा नफा कमावला ते सुद्धा स्वतःच्या भांडवलातून! ‘सेबी’ने मात्र त्याला संशयाचा फायदा देत काही दंड केल्याचे आढळत नाही. मात्र नफा व्याजासकट परत करण्यास सांगितले आहे. कारण तो अल्पेशच्या माहितीवर सगळे करत होता आणि अल्पेशच्या गुन्ह्यांपासून तो अनभिज्ञ होता. तेव्हा दूरचित्रवाणीवर जर काही सल्ले ऐकून गुंतवणूक करत असाल तर सावध राहा. कारण तुमच्या खरेदीवर दुसऱ्याची विक्री अवलंबून असू शकते त्यामुळे स्वतःचाच ‘आवाज’ ऐका.