Tata Technologies IPO : जवळपास २० वर्षांनंतर टाटा ग्रुप कंपनीचा IPO येणार आहे. मीडिया रिपोर्ट्सनुसार, Tata Technologies चा IPO २२ नोव्हेंबर २०२४ रोजी उघडत आहे. तर गुंतवणूकदार २४ नोव्हेंबर २०२४ पर्यंत सदस्यता घेऊ शकतात. बाजारातील गुंतवणूकदार टाटाच्या या IPO ची आतुरतेने वाट पाहत आहेत. टाटा टेक्नॉलॉजीज ही टाटा मोटर्सची उपकंपनी आहे आणि या IPO द्वारे समूहाने तिला स्वतंत्र कंपनी म्हणून सूचीबद्ध करण्याचा निर्णय घेतला आहे. जर तुम्हीसुद्धा या IPO मध्ये गुंतवणूक करण्याचा विचार करत असाल, तर आम्ही तुम्हाला या IPO (Tata Technologies IPO) च्या तपशीलांची माहिती देणार आहोत.
हेही वाचाः विजय माल्ल्या नव्हे, तर ‘ही’ महिला चालवते ४१ हजार कोटींची दारू कंपनी, पगाराचा आकडा पाहून थक्क व्हाल!
Tata Technologies IPO चे तपशील जाणून घ्या
Tata Technologies चा हा IPO (Tata Technologies IPO Details) पूर्णपणे ऑफर फॉर सेलद्वारे येत आहे. म्हणजेच टाटा मोटर्स, टाटा कॅपिटल ग्रोथ फंड १ आणि अल्फा टीसी होल्डिंग या इश्यूद्वारे त्यांचे स्टेक विकणार आहेत. या IPO द्वारे एकूण ६०,८५०,२७८ इक्विटी शेअर्स विकले जाणार आहेत. यापैकी ४६,२७५,००० इक्विटी शेअर्स टाटा टेक्नॉलॉजीज विकले जाणार आहेत. ९,७१६,९५३ इक्विटी शेअर्स अल्फा टीसी होल्डिंग आणि ४,८५८,४२५ इक्विटी शेअर्स टाटा कॅपिटल ग्रोथ फंड १ द्वारे विकले जाणार आहेत. ही सर्व माहिती कंपनीने आपल्या फायलिंगमध्ये शेअर केली आहे. खरं तर कंपनीने ९ मार्च २०२३ रोजी IPO दाखल केला होता.
हेही वाचाः मोदी सरकारच्या पर्यावरण मंत्रालयाच्या जलमूल्यांकन समितीमध्ये थेट अदाणींचा ‘माणूस’
कंपनी काय करते?
टाटा टेक ही टाटा मोटर्सची उपकंपनी आहे. ही कंपनी अभियांत्रिकी सेवा तसेच तंत्रज्ञानावर आधारित उपाय पुरवते. ही कंपनी एरोस्पेस, यंत्रसामग्री आणि वाहतुकीसाठी तिच्या सेवा पुरवते. कंपनीच्या आर्थिक स्थितीबद्दल बोलायचे झाल्यास २०२३ च्या आर्थिक वर्षात कंपनीची कमाई २५ टक्क्यांनी वाढून ४४१८ कोटी रुपये झाली आहे. कंपनीचा नफा ७०८ कोटी रुपये होता, ज्यामध्ये सुमारे ६३ टक्के वाढ नोंदवण्यात आली आहे.