‘टीसीएस’च्या समभागातही २ टक्क्यांनी घसरण

प्रति समभाग टीसीएसची विक्री किंमत ४,००१ रुपये असण्याची शक्यता असून, जी सोमवारच्या समभागाच्या बंद भावाच्या तुलनेत ३.४५ टक्के सवलतीत असेल. या विक्री व्यवहाराचे एकूण मूल्य ९,२०२ कोटी रुपयांपेक्षा जास्त राहणे अपेक्षित आहे. बाजार भांडवलाच्या दृष्टीने रिलायन्स इंडस्ट्रीजनंतरची टीसीएस ही दुसरी सर्वात मौल्यवान कंपनी आहे. तब्बल ३१.६ लाख कोटी रुपयांच्या एकूण बाजारमूल्यासह, टाटा समूहातील सार्वजनिकरित्या सूचीबद्ध असलेल्या २९ कंपन्यांपैकी ती एक अग्रणी कंपनी आहे. डिसेंबर २०२३ पर्यंत उपलब्ध माहितीनुसार, प्रवर्तक आणि प्रवर्तक गटाचा टीसीएसमध्ये ७२.४१ टक्के भागभांडवली हिस्सा आहे, ज्यापैकी ७२.३८ टक्के भागभांडवल टाटा सन्सच्या मालकीचे आहे