आता कार्डाशिवाय UPI द्वारे ATM मधून पैसे काढता येणार; ‘या’ बँकेने सुरू केली नवी सेवा

भारतातील सार्वजनिक क्षेत्रातील आघाडीची बँक असलेल्या बँक ऑफ बडोदाने सोमवारी इंटरऑपरेबल कार्डलेस कॅश विथड्रॉल (ICCW) नावाची नवीन सेवा सुरू करण्याची घोषणा केली आहे. ही सेवा ग्राहकांना युनिफाइड पेमेंट्स इंटरफेस (UPI) वापरून बँक एटीएममधून पैसे काढण्यास परवानगी देणार आहे. बँक ऑफ बडोदा ही सेवा सुरू करणारी सार्वजनिक क्षेत्रातील पहिली बँक ठरली आहे, जी ही सुविधा केवळ त्यांच्या ग्राहकांनाच नाही, तर BHIM UPI आणि इतर अॅप्लिकेशन्स वापरणाऱ्या इतर बँकांच्या ग्राहकांनाही उपलब्ध करून देत आहे. जे ग्राहक मोबाईल फोनवर इंटरऑपरेबल कार्डलेस कॅश विथड्रॉल (ICCW) साठी सक्षम असलेले कोणतेही UPI ऍप्लिकेशन वापरतात, त्यांना डेबिट कार्डाची गरज नसताना बँक ऑफ बडोदाच्या एटीएममधून पैसे काढता येणार आहेत.

हेही वाचाः Ashish Deora Success Story : हार्वर्डच्या माजी विद्यार्थ्यानं रतन टाटांशी संबंधित कंपनी अवघ्या ९० कोटींना विकत घेतली, कोण आहेत आशिष देवरा?

आणखी वाचा

फक्त १ लाख रुपयात लॉंच होऊ शकते ‘ही’ इलेक्ट्रिक कार! सिंगल चार्जवर मिळेल १९२ किमीची रेंज

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

नाशिकमध्ये नायलॉन मांजा तारांमध्ये अडकून वीज पुरवठा खंडित होण्याचे प्रकार

iPhone युजर्सची चिंता वाढवणारी बातमी! यूएसबी-सी पोर्टद्वारे हॅक होऊ शकतात फोन, सुरक्षा संशोधकाचा दावा

बॅलेन्स चेक करताना बँक खातंच रिकामं; काय आहे नवीन ‘Jumped Deposit Scam’?

पुण्याची ओळख लवकरच ‘इलेक्ट्रॉनिक क्लस्टर’, काय म्हणाले अश्विनी वैष्णव?

वीजदरवाढ तूर्तास टळली, ‘डीसल्फरायझेशन’ची सक्ती दोन वर्षे लांबणीवर गेल्याने दिलासा

पांढरा चार्जर काळपट दिसू लागलाय? मग ‘या’ सोप्या उपायाने एका झटक्यात चार्जर करा चकाचक

कसे काढायचे पैसे?

या सेवेचा फायदा घेण्यासाठी ग्राहकांना बँक ऑफ बडोदाच्या एटीएम मशीनवर UPI रोख काढण्याचा पर्याय निवडावा लागेल. त्यानंतर मशीनमध्ये पैसे काढायची रक्कम टाकल्यानंतर एटीएम मशीनवर क्यू आर कोड दिसेल. इंटरऑपरेबल कार्डलेस कॅश विथड्रॉल (ICCW) असलेले कोणतेही UPI ऍप्लिकेशन वापरल्यास आपल्याला पैशांची देवाण-घेवाण करता येणार आहे.

हेही वाचाः २०२३-२०३० दरम्यान भारताची अर्थव्यवस्था २०१० नंतरच्या सर्वात मजबूत वाढीच्या टप्प्यावर : नोमुरा सिक्युरिटीज

५ हजार रुपयांपर्यंत मर्यादा असणार

इंटरऑपरेबल कार्डलेस कॅश विथड्रॉल (ICCW) सेवा वापरून ग्राहकांना कार्डशिवाय पैसे काढण्याचे स्वातंत्र्य मिळणार आहे. बँक ऑफ बडोदाच्या एटीएमवर ग्राहक एका दिवसांत दोनदा व्यवहार करू शकतात. तसेच एका वेळेस जास्तीत जास्त ५ हजार रुपये काढू शकता.