Income Tax Refund Status: देशात आयटीआर मोठ्या प्रमाणात जमा करण्यात आला आहे. आता लोक रिफंडच्या प्रतीक्षेत आहेत. अशा लोकांसाठी प्राप्तिकर विभागाकडून एक अलर्ट जारी करण्यात आला आहे. त्या अलर्टमध्ये आयटीआर परतावा वैध खात्यातच येणार असल्याचं सांगण्यात आलं आहे. प्राप्तिकर विभागाकडून अलर्ट जारी सोशल मीडिया प्लॅटफॉर्म ट्विटरवर पोस्ट करताना प्राप्तिकर विभागाने म्हटले की, परतावा फक्त वैध बँक खात्यात जमा केला जाणार आहे. अशा परिस्थितीत प्रत्येकाने ई-फायलिंग पोर्टलला भेट देऊन त्यांच्या बँक खात्याचे पासबुक अपडेट करून घेतले पाहिजे. हेही वाचाः ८० हजार कोटींचा व्यवसाय नाकारला अन् स्वतःच्या बळावर १५० कोटींच्या कंपनीची स्थापना, कोण आहेत सिमरन लाल? परतावा मिळण्यासाठी किती वेळ लागतो? जर तुम्ही सर्व नियमांचे पालन करून तुमचा ITR दाखल केला असेल तर साधारणपणे तुम्हाला सहा महिन्यांच्या आत परतावा मिळतो. मात्र, आता रिफंडची प्रक्रिया पूर्वीपेक्षा खूपच वेगवान झाली आहे. आयटी विभागाकडून परतावा जारी होताच तुम्हाला एक मेल प्राप्त होईल. तुम्ही इन्कम टॅक्सच्या वेबसाइटला भेट देऊनही जाणूनही घेऊ शकता. जर तुमचे बँक खाते आधीच अपडेट झाले असेल तर तुमच्या बँक खात्याच्या तपशीलात बदल झाल्यामुळे पासबुक पुन्हा अपडेट करून घ्यावा. हेही वाचाः अमेरिकेत टूथपेस्ट, डिओ आणि चॉकलेट कुलूप बंद; नेमकं असं काय घडलं? प्राप्तिकर पोर्टलवर तुमचे खाते कसे पडताळायचे? सर्वप्रथम तुम्हाला इन्कम टॅक्सच्या वेबसाइटवर जावे लागेल.यानंतर तुमच्या तपशीलांसह लॉग इन करा.लॉग इन केल्यानंतर प्रोफाइल विभागात जा.तेथे 'माझे बँक खाते' निवडा.यानंतर तुम्ही तुमचे खाते पुन्हा पडताळू शकता किंवा बँक खाते जोडू शकता.जरी बँकेची शाखा विलीन झाली किंवा इतरत्र स्थलांतरित झाली, तरी खात्याचे पुनर्वैधीकरण करणे आवश्यक आहे.
