जाहल्या चुका काही : सरकारी धोरणांचा लाभार्थी

रिझर्व्ह बँक आणि ‘नॅशनल इन्स्टिट्यूट ऑफ पब्लिक फायनान्स अँड पॉलिसी’च्या अभ्यासानुसार प्रकल्प पूर्ण झाल्यानंतर सरकारने केलेल्या प्रत्येक रुपयाच्या मागे देशाच्या सकल राष्ट्रीय उत्पादन अर्थात ‘जीडीपी’त २.५ ते ३.५ पट वाढ होते. सरकारने या योजनेसारख्या ‘जीडीपी’ वाढीसाठी कारण ठरणाऱ्या ‘मेक इन इंडिया’, ‘आत्मनिर्भर भारत’ यासारख्या उत्पादन आधारित प्रोत्साहन अर्थात ‘पीएलआय’ योजना सरकारने आखल्या. या योजनांचा उद्देश भारतात उत्पादन क्षेत्राला चालना देण्याचा आहे. या सरकारी योजनांच्या लाभार्थी असलेल्या उत्पादन क्षेत्राशी निगडित असलेल्या कंपन्यांत गुंतवणूक करणारा ‘ॲक्सिस इंडिया मॅन्युफॅक्चरिंग फंड’ १ डिसेंबरपासून गुंतवणुकीस खुला झाला असून फंडाचा ‘एनएफओ’ १५ डिसेंबरपर्यंत खुला असेल. हा फंड गुंतवणुकीस कायम खुला असलेला फंड असून ‘निफ्टी इंडिया मॅन्युफॅक्चरिंग टीआरआय’ हा फंडाचा मानदंड असून श्रेयस देवलकर हे या फंडाचे निधी व्यवस्थापक आहेत.

आणखी वाचा

उद्या मंत्रिमंडळ विस्तार? अजित पवार यांचा दावा; दोन दिवसांच्या चर्चेत सूत्र निश्चित

Madhuri Dixit : डर चित्रपट माधुरी दीक्षितने का…

गरजेपोटी बांधकामांच्या नियमितीकरण प्रक्रियेला वेग; तांत्रिक मूल्यमापनाचे काम अंतिम टप्प्यात

राज्यात पुन्हा योजना, उद्घाटनांचा धडाका

विश्लेषण : महाराष्ट्रात ४३ मंत्रीच? मंत्रिमंडळात मंत्र्यांची संख्या किती असते? या संख्येवर बंधने का असतात?

अर्थव्यवस्थेची घोडदौड कायम राहणार – एसअँडपी; नवीन वर्षात मध्यवर्ती बँकेकडून व्याजदर दिलासा शक्य

शेतीमालाच्या विक्री धोरणाबाबत केंद्राची पुन्हा घाई; सूचना, हरकतींसाठी वेळ वाढवून देण्याची मागणी

इक्विटी फंडांतील ओघ ओसरला! नोव्हेंबरमध्ये १४ टक्क्यांनी घटून ३५,९४३ कोटींवर

हेही वाचा – Money Mantra : जीडीपीची सुखद आकडेवारी, दुसऱ्या तिमाहीत अर्थव्यवस्थेची वाढ ७.६ % दराने

भारताच्या अर्थव्यवस्थेच्या ढाच्यात ‘मेक इन इंडिया’ आणि वर उल्लेख केलेल्या धोरणात्मक योजनांमुळे मोठा बदल संभवत आहेत. या बदलांचा लाभ घेण्यासाठी हा थिमॅटिक फंड उपलब्ध करून दिल्याचे करणारा ॲक्सिस म्युच्युअल फंडाच्या प्रसिद्धीपत्रकात नमूद केले आहे. भारताच्या औद्योगिक रूपरेषा पुन्हा परिभाषित करणारी क्षेत्रे नव्याने उदयास येत असून या क्षेत्रांवर निधी व्यवस्थापक लक्ष केंद्रित करतील. नवीन युगातील तंत्रज्ञानाचा अवलंब आणि शाश्वत विकासावर भर देणारी सरकारी धोरणे उत्पादन क्षेत्राला वेगळा आयाम देऊ घातली आहेत. सरकारी उपक्रम आणि कामगार आणि कर सुधारणा ‘पीएम गतीशक्ती योजने’सारखी सरकारी धोरणे भारताला जागतिक स्तरावर स्पर्धात्मक उत्पादन केंद्र बनवत आहेत. इतर अर्थव्यवस्थांच्या तुलनेत, भारतीय अर्थव्यवस्था निर्यातीपेक्षा मोठ्या प्रमाणावर उपभोगावर (कंझम्शन) अवलंबून आहे. अर्थव्यवस्थेवर त्यामुळे जागतिक आर्थिक अस्थिरतेचा परिणाम फारसा झालेला नाही. अर्थव्यवस्थेच्या वेगवान वाढीमुळे उत्पादनांची देशाअंतर्गत मागणी वाढत आहे. परिणामी अर्थव्यवस्थेच्या ढाच्यात होणारे बदल आत्मसात करण्यास आपण सक्षम होत असल्याचे दिसत आहे. उत्पादन क्षेत्रासाठी अनुकूल धोरण सरकारी प्रोत्साहन आणि जागतिक स्पर्धक अर्थव्यवस्थांच्या तुलनेत वाढीव स्पर्धात्मकतेमुळे भारतीय उत्पादन क्षेत्र वेगाने बदलत आहे.

‘ॲक्सिस इंडिया मॅन्युफॅक्चरिंग फंड’ या बदलांचा मागोवा घेणारा फंड गुंतवणूकदारांना संपत्ती निर्मितीची संधी देत आहे. हा फंड भारताच्या उत्पादन कौशल्याची व्यापकता प्रतिबिंबित करणारा फंड असेल. भांडवली वस्तू आणि ग्राहकोपयोगी वस्तूंपासून ते वस्त्रोद्योग आरोग्य निगेपर्यंतच्या उद्योगांतील गुंतवणुकीच्या संधी हेरून गुंतवणूकदारांना भारताच्या उत्पादन यशोगाथेमध्ये सहभागी होण्यासाठी एक व्यापक मार्ग अधिक रुंदावणारा फंड असेल. या फंडाच्या गुंतवणुकीत माहिती तंत्रज्ञान आणि बँकिंग या महत्त्वाच्या उद्योगांना स्थान नसेल.

हेही वाचा – तुम्ही ‘अर्थसाक्षर’ आहात?

या फंडाचा उद्देश,

• क्षमता वाढ (कॅपेक्स सायकल) : उत्पादक उत्पादन क्षमता वाढवण्यासाठी कारखाना उपकरणे, संशोधन आणि विकासामध्ये गुंतवणूक करणे.
• उपभोग (उत्पन्न वाढल्याने प्रीमियमायझेशन होते) : देशाअंतर्गत उपभोग आणि उत्पादन वैविध्यामुळे वाढत्या मागणीच्या मार्गावर असलेले उद्योग,
  निर्यात प्रधान (पर्यायी आयात उत्पादनांवर) : जागतिक पुरवठा साखळीचा भाग असलेल्या कंपन्यांत गुंतवणूक करणे हा आहे.

या फंडाचा पोर्टफोलिओ ‘मल्टी-कॅप’ धाटणीचा आणि ‘बॉटम-अप’ रणनीतीचा अवलंब करणारा असेल. सक्रिय सेक्टरल गुंतवणुकीची ‘गुणवत्ता’ शैली अंगीकारण्याबरोबरच, निर्देशांकात कमी प्रतिनिधित्व असलेल्या उद्योग क्षेत्रांवर लक्ष केंद्रित करेल. हा फंड थिमॅटिक फंड आणि कंपन्यांचे ध्रुवीकरण असलेला फंड असल्याने सर्वाधिक जोखीम असणारा हा फंड आहे (संदर्भ : रिस्कोमीटर). बाजारात जोखीम आणि परतावा एकाच नाण्याच्या बाजू असल्याने जोखीम स्वीकारून अधिक परताव्याची आस असणाऱ्या गुंतवणूकदारांसाठी एक आदर्श साधन आहे. आपआपल्या जोखीम सहिष्णुततेनुसार गुंतवणूकदारांनी या फंडाची निवड करावी.