सुधाकर कुलकर्णीप्रश्न१: नॉमिनी कोणास नेमता येते?नॉमिनी एखाद्या व्यक्तीसच नेमता येते,ट्रस्ट,कंपनी , भागीदारी फर्म, एचयुएफ यांना नॉमिनी नेमता येत नाही. प्रश्न२: नॉमिनेशन बाबतचे नवीन नियम काय आहे ?आता नॉमिनेशन देणे किंवा द्यायचे नाही असे लिहून देणे बंधनकारक आहे, व याची पूर्तता करण्याची मुदत आता ३० जून २०२४ पर्यंत वाढविली आहे. प्रश्न३: संयुक्त खात्यास नॉमिनेशन करता येते का ?होय, संयुक्त खात्यास नॉमिनेशन करता येते मात्र यासाठी संयुक्त खात्यातील सर्व खातेदारांनी नॉमिनेशन फॉर्मवर सही करून संमती देणे आवश्यक असते. आणखी वाचा-Money Mantra : फंड विश्लेषण: बडोदा बीएनपी पारिबा लार्ज कॅप फंड प्रश्न४:नॉमिनेशन मध्ये बदल करता येतो का?होय नॉमिनेशन मध्ये बदल करता येते,नव्याने नॉमिनेशन केल्यावर आधीचे नॉमिनेशन अपोआप रद्द होते. प्रश्न५: संयुक्त खाते असल्यास खात्यातील प्रत्येक व्यक्ती वेगेवगळे नॉमिनेशन करू शकते का?नाही, संयुक्त खात्यातील प्रत्येक व्यक्ती वेगेवगळे नॉमिनेशन करू शकत नाही. संयुक्त खात्यास एकच नॉमिनी देता येतो. आणखी वाचा-Money Mantra : हिरो मोटो कॉर्पची स्कूटर क्षेत्रात का मुसंडी? प्रश्न६: नॉमिनेशन करण्याचा नेमका फायदा काय ?नॉमिनेशन असल्याने नॉमिनीस मृताच्या नावावरील शिल्लक रक्कम बँक, शेअर्स ,म्युचुअल फंड मधील, लॉकर, अन्य ठिकाणची गुंतवणूक (पीपीएफ,पोस्ट, एनपीएस, बॉंड ई)चा ताबा सहजगत्या मिळतो यासाठी सक्सेशन सर्टिफिकेटची गरज लागत नाही. प्रश्न७: नॉमिनेशन नुसार मिळालेल्या संपत्तीवर नॉमिनीचा कायदेशीर हक्क असतो का?नाही, नॉमिनी हा एक विश्वस्त म्हणून मिळणाऱ्या संपत्तीचा ताबा घेत असतो व अशी विश्वस्त म्हणून ताब्यात घेतलेली संपत्ती मृत्यूपत्रानुसार (असल्यास) किंवा सक्सेशन सर्टिफिकेटनुसार वाटप करण्याची जबाबदारी नॉमिनीची असते.