· फंड घराणे – फ्रँकलिन टेम्पल्टन म्युच्युअल फंड
· फंडाचा प्रकार – मिड कॅप इक्विटी फंड
· एन. ए. व्ही. (८ जुलै २०२४ रोजी) ग्रोथ पर्याय – २५५८ रुपये प्रति युनिट
· फंड मालमत्ता (३० जून २०२४ रोजी ) – ११०११ कोटी कोटी रुपये.
· फंड मॅनेजर – आर. जानकी रामन , अखिल कल्लुरी, संदीप मनम.
फंडाची स्थिरता ( २८ जून २०२४ )
स्टॅंडर्ड डिव्हिएशन १५. ११
बीटा रेशो ०. ८९
शार्प रेश्यो १. ०१
पोर्टफोलिओ टर्नओव्हर म्हणजे एखाद्या फंड मॅनेजरने फंड योजनेमध्ये शेअरची सतत खरेदी विक्री खरेदी सुरू ठेवणे. जेवढे जास्त खरेदी विक्री व्यवहार घडतील तेवढाच फंडाचा खर्च वाढतो. पोर्टफोलिओ टर्नओव्हर जास्त असणे फारसे चांगले मानले जात नाही.
हेही वाचा : वीज खेळते नाचरी!
स्टॅंडर्ड डिव्हिएशन म्हणजेच एखाद्या फंडाचा परतावा गेल्या तीन वर्षात किती स्थिर राहिला आहे त्याचे निर्दशक आहे. म्हणजेच दोन फंडाची तुलना करता ज्या फंडाचा हा आकडा कमी आहे तो फंड साधारणतः पुढील काळात दुसऱ्या फंडापेक्षा तसेच परतावे देण्याची शक्यता आहे उदाहरण घेऊया फंड X आणि फंड Y यांनी 12% परतावा मागच्या पाच वर्षात दिला आहे. जर स्टॅंडर्ड डिव्हिएशनचा फंड X चा आकडा Y पेक्षा कमी असेल तर फंड X पुढील काळात तसाच सर्वसाधारण परतावा देऊ शकतो तर, फंड Y मधून मिळणारा परतावा बदलू शकतो.
बीटा म्हणजेच गेल्या तीन वर्षात फंडाने दिलेल्या परताव्यावरून भविष्यात तो फंड किती वर किंवा खाली जाईल याचा अंदाज लावणे, जेवढी बीटा व्हॅल्यू कमी असेल तेवढाच फंड भरवशाचा.
शार्प रेश्यो म्हणजे अधिक रिटर्न्स मिळवण्यासाठी फंडाने किती जोखीम घेतली आहे, अधिकाधिक रिटर्न मिळवण्यासाठी फंड मॅनेजरने घेतलेली जोखीम अधिक असेल तर त्याचे प्रतिबिंब यामध्ये उमटते.
तुमच्यासाठी हा फंड महत्त्वाचा का ?
फ्रँकलिन या फंड घराण्यातर्फे अगदी सुरुवातीच्या काळात बाजारात आणल्या गेलेल्या आणि काळाच्या कसोटीवर यशस्वी ठरलेल्या निवडक योजनांपैकी ही एक फंड योजना आहे.
हेही वाचा : बाजार रंग : साप, शिडी आणि सरशी
मिडकॅप कंपन्यांचा निर्देशांक असलेल्या निफ्टी मिडकॅप १५० या इंडेक्सचा विचार केल्यास १५० शेअर्स मध्ये एकूण १५ पेक्षा अधिक क्षेत्रातील कंपन्या आहेत व त्यांचा बाजारभावानुसार विचार करायचा झाल्यास आघाडीच्या पाच क्षेत्रातील कंपन्या निफ्टी मिडकॅप १५० इंडेक्स मधील निम्मा हिस्सा व्यापतात.
यामुळे फंड मॅनेजरला आघाडीच्या कंपन्यांबरोबरच उदयोन्मुख कंपन्यांचा गुंतवणुकीसाठी विचार करणे सोपे जाते. या फंडाने कायमच बॉटम अप या रणनीतीचा वापर करून मध्यम मार्ग पत्करला आहे. गेल्या दहा वर्षांचा विचार केल्यास पोर्टफोलिओतील ६०% वाटा हा कायमच मिडकॅप कंपन्यांचा राहिला आहे. त्याचबरोबर सरासरी ५० किंवा त्यापेक्षा अधिक कंपन्या या फंडाच्या पोर्टफोलिओ मध्ये कायमच असतात.
३१ मे रोजी उपलब्ध आकडेवारीनुसार पोर्टफोलिओ मध्ये एकूण ७२ शेअरचा समावेश आहे व यापैकी आठ टक्के गुंतवणूक लार्ज कॅप प्रकारात असून उरलेली सर्व मिड आणि स्मॉल कॅप प्रकारात आहे.
रिस्को मिटरचा विचार करायचा झाल्यास ‘Very High’ म्हणजेच सर्वाधिक जोखीम असलेल्या श्रेणीमध्ये हा फंड मोडतो.
८ जुलै २०२४ रोजी फंडाचा परतावा (CAGR पद्धतीने)
· एक वर्ष – ५५. १२ %
· दोन वर्षे – ४०. ०२ %
· तीन वर्षे – २३. ४७ %
· पाच वर्षे – २३. ३८ %
· दहा वर्षे – १८.३३ %
· फंड सुरु झाल्यापासून – २० %
फंडाने गुंतवणूक कुठे केली आहे ?
फेडरल बँक ३.४५% भारत इलेक्ट्रॉनिक्स २.८५% प्रेस्टीज इस्टेट २.७७% कमिन्स इंडिया २.५६% हिंदुस्थान एरोनॉटिक्स २.५३% क्रॉम्प्टन ग्रीव्हज २.५८% २८% कोरोमंडल इंटरनॅशनल २.२७% दीपक नायट्रेट २.१९% आयसीआयसीआय बँक २.१७% इमामी २.०९% हे आघाडीचे दहा शेअर्स पोर्टफोलिओ मध्ये आहेत.
हेही वाचा : मार्ग सुबत्तेचा : सुकन्येची समृद्धी
बँक, वाहन निर्मिती, रियल इस्टेट, फार्मा कंपन्या, संरक्षण विषयक उत्पादने, सॉफ्टवेअर आणि वित्तक्षेत्र यामध्ये फंडाने भरीव गुंतवणूक केली आहे.
बॉश आणि अपोलो टायर या कंपन्यातील गुंतवणूक फंडाने कमी केली आहे.
‘एस.आय.पी.’तील दीर्घकालीन परतावे (८ जुलै २०२४ रोजी)
तुम्ही या फंडात दरमहा एक हजार रुपयांची गुंतवणूक केली असती तर
· एक वर्षापासून एसआयपी केली असती तर ६२. ७३ %
· दोन वर्षे ४७. २२ %
· तीन वर्षे ३४. ५१ %
· पाच वर्षे २९. ७७ %
· सलग दहा वर्ष १९. ४५ %
असा स्थिर परतावा मिळालेला दिसतो.
- एका निर्णयाद्वारे फंड घराण्यांनी जाहिरात करताना दहा वर्षाच्या सरासरी रिटर्नचा (CAGR) समावेश त्यात करावा अशी मार्गदर्शक सूचना करण्यात आली. त्यानुसार निवडक फंडांचे विश्लेषण या लेखमालिकेतून केले जात आहे. फंड योजनेत गुंतवणूक करावी असा सल्ला देणे हा या लेखमालिकेचा उद्देश नाही. या फंडात गुंतवणूक करताना सर्व जोखीम विषयक माहिती वाचून आपल्या जबाबदारीवरच गुंतवणूक करावी.
