पीपीएफ खात्याची मुदत किती वेळा वाढवता येते? जाणून घ्या याचे नियम

पीपीएफ खात्याच्या कालावधीचे नियम:

• या योजनेअंतर्गत १५ वर्षांसाठी पैसे गुंतवता येतात, ज्यावर मोठ्या रकमेचा रिटर्न मिळवता येतो. या योजनेअंतर्गत ७.१ टक्के रिटर्न मिळतो. ही लोकप्रिय योजनांपैकी एक आहे.
• या योजनेमध्ये १५ वर्षांसाथी पैसे गुंतवता येतात. त्यानंतर आपल्या इच्छेनुसार याचा कालावधी वाढवता येतो. किमान ५ वर्षांसाठी हा कालावधी वाढवता येतो.
• जेव्हा एखाद्या खात्याला १५ वर्ष पुर्ण होतात, तेव्हा खातेधारक त्यांच्या इच्छेनुसार ५-५ वर्षांसाठी याचा कालावधी वाढवू शकतात. यासाठी २ पर्याय उपलब्ध आहेत.
  पहिला पर्याय म्हणजे तुम्ही आणखी काही पैसे जमा करून खात्याचा कालावधी वाढवू शकता. तर दुसरा पर्याय म्हणजे नवे पैसे जमा न करता आहे तितक्या रक्कमेबरोबर खात्याचा कालावधी वाढवू शकता.
• जर तुम्हाला खात्यामध्ये नवी रक्कम जोडायची असेल तर त्यासाठी खात्याच्या कालावधी संपायच्या १ वर्षाच्या कालावधीमध्ये बँक किंवा पोस्ट ऑफिस मध्ये तसा अर्ज द्यावा लागेल. यानंतर नवी रक्कम जोडून खात्याचा कालावधी वाढवता येईल.
• तुम्ही तुमच्या खात्यातून पैसे काढले नाहीत आणि खात्याचा कालावधी वाढवण्यासाठी कोणताही अर्ज केला नाही, तरी तुमच्या खात्यात जमा केलेल्या पैशांवर आपोआप व्याज मिळते.