या स्तंभात आतापर्यंत ज्या ज्या व्यक्तींची माहिती देण्यात आली ते सर्व आणि आज ज्या व्यक्तीविषयी जाणून घेणार आहोत त्यात जमीन आसमानाचा फरक आहे. शंकर शर्मा हे रसायनच अजब आहे. धनबाद येथील कोळशाच्या खाणीतून हा हिरा बाहेर पडला. १९८२ ला कॉलेजच्या दुसऱ्या वर्षात असताना शेअर बाजारातली स्वतःची पहिली गुंतवणूक त्यांनी केली. वडिलांचे निधन झालेले होते, आर्थिक परिस्थिती चांगली नव्हती. त्यांच्या भाडेकरूने शेअर्समध्ये गुंतवणूक केली म्हणून यांनी सुद्धा आईकडून पैसे उसने घेतले आणि अडीच हजार रुपयांत १० रुपये दर्शनी किंमतीचे २५० शेअर्स एका कंपनीचे मिळविले. आणि त्या शेअरमध्ये त्यांनी १० पट पैसा मिळवला. धनबादला एकही शेअर दलाल त्या काळात नव्हता. शंकर शर्मा १० तास ट्रेनचा प्रवास करून कोलकात्याला जायचे आणि स्वतःचे आणि इतरांचे शेअर्स खरेदी विक्रीचे व्यवहार तत्कालीन कलकत्ता शेअर बाजारात करायचे .
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
