Money Mantra : प्राप्तिकर भरताना एका चुकीसाठी तुम्हाला कायदेशीर नोटीसही मिळू शकते, ‘या’ गोष्टी लक्षात ठेवा

प्राप्तिकर विभागाने त्यांना नोटीस बजावली

जीएसटी अंतर्गत बोगस बिलांवर कारवाई केल्यानंतर अर्थ मंत्रालयाने आता प्राप्तिकर रिटर्न अंतर्गत कपातीच्या बोगस दाव्यांवर लोकांना सतर्क करण्यास सुरुवात केली आहे. याप्रकरणी केवळ करदातेच ​​नाही तर रिटर्न भरणारे आणि सल्लागार यांचीही चौकशी केली जात आहे. अलीकडेच काही प्रसिद्ध कंपन्यांच्या कर्मचार्‍यांकडून बनावट कर परतावा दाव्यांचे रॅकेट उघडकीस आले.

आणखी वाचा

बुलढाणा : निवडणुकीमुळे एसटी महामंडळाचेही चांगभलं, तब्बल पाऊण कोटीचा…

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

लाचेप्रकरणी सार्वजनिक बांधकाम विभागातील वरिष्ठ लिपीक अटकेत

सोन्याच्या दरात मोठे बदल… हे आहेत आजचे दर…

Bajrang Sonavane : “अजित पवारांनी बीडचं पालकमंत्रिपद घ्यावं, त्यांना अंधारात कोण काय…”, बजरंग सोनावणेंची मागणी

अमरावती : शेअर बाजारात नफ्याचे आमिष; तब्बल २१.९२ लाखांची…

नागपूर : सीआयडी अधिकाऱ्यांची आरोपींना मदत; रितिका मालू ‘हिट अँड रन प्रकरण’

विविध सेवा विनाविलंब उपलब्ध करा; मुख्यमंत्री फडणवीस यांची सूचना; जिल्हा सुशासन निर्देशांक अहवालाचे प्रकाशन

हेही वाचाः Money Mantra : येस बँकेच्या ग्राहकांना आता क्रेडिट कार्डाद्वारे UPI पेमेंट करता येणार, क्रेडिट फ्री पीरियड फीचरचा लाभही मिळणार

प्राप्तिकर विभागाने कलम १०(१३ A) अंतर्गत भाडे भत्त्याच्या खात्यावर आणि कलम २४(B) अंतर्गत गृहकर्ज आणि व्याजाच्या खात्यावर कपात केल्याचा पुरावा दाखवण्यासाठी नोटीस जारी केली आहे. याशिवाय विभागाने करदात्यांना रिटर्न भरण्यास मदत केलेल्या सल्लागाराचे नाव देण्यास सांगितले. अशा प्रकरणांमध्ये प्राप्तिकर कायद्याच्या कलम २७० A अंतर्गत २०० टक्के किंवा त्याहून अधिक करचुकवेगिरीसाठी दंड आकारला जाऊ शकतो. याशिवाय कलम २७६सी/२७७ अंतर्गतही खटला चालवला जाऊ शकतो. प्राप्तिकर कायद्याच्या कलम २७८ अंतर्गत सल्लागारांवरही गुन्हा दाखल केला जाऊ शकतो. आयटीआर फाइल करण्यासाठी अवघे काही दिवस शिल्लक असल्याने आयटीआर फाइल करताना आवश्यक असलेल्या गोष्टींची यादी तयार करणे महत्त्वाचे आहे.

हेही वाचाः अदाणींचा अमेरिकन मित्र झाला मालामाल, चार महिन्यांत कमावले ‘इतके’ हजार कोटी

फॉर्म भरताना ‘या’ गोष्टी लक्षात ठेवा

• AIS/TIS/फॉर्म 26AS/फॉर्म 16/सर्व बँक खात्यांमध्ये दर्शविलेले उत्पन्न एकतर घोषित उत्पन्नापेक्षा समान किंवा अधिक असले पाहिजे .
• अशी प्रकरणेदेखील असू शकतात जेव्हा व्याज घोषित केले गेले आहे, परंतु बँक खात्यात प्राप्त झाले नाही.
• हे जमा झालेले व्याज आहे आणि म्हणून ते प्राप्त झाले नाही तरीही कर भरावा लागेल. जर काही गोष्टी जुळत नसतील तर प्राप्तिकर पोर्टलमध्ये त्या नाकारू शकता.
• बचत बँकेचे व्याज आणि प्राप्तिकर परताव्यावरील व्याज ITR मध्ये नोंदवलेले असल्याची खात्री करा. साधारणपणे नवीन आयटीआर फाइलर्स देखील यात चुका करतात.
• जर एखाद्याने गुंतवणूक विकली असेल तर या प्रकरणात भांडवली नफ्याची योग्य गणना करा.
• संयुक्त कर्जाच्या बाबतीत सर्व ITR मध्ये दावा केलेली रक्कम भरलेल्या खात्यापेक्षा जास्त नसेल, याची खात्री करा.
• तुमच्याकडे भाड्याच्या पावत्या, दावा केलेल्या कपातीसाठी ८० सी/८० डी/८० जी पावत्या यांसारखी कागदपत्रे असल्याची खात्री करा.
• शेवटी तुम्ही ३१ जुलै २०२३ पूर्वी योग्य ITR दाखल केल्याची खात्री करा.