Post Office vs SBI RD Interest Rate: आवर्ती ठेव म्हणजेच RD हा सुरक्षित गुंतवणुकीसाठी सर्वात लोकप्रिय पर्यायांपैकी एक आहे. यात तुम्हाला म्युच्युअल फंड एसआयपीप्रमाणे दरमहा मासिक हप्ता जमा करावा लागेल आणि हा हप्ता आरडी सुरू करताना निश्चित केला जातो. तुम्हाला तुमच्या निवडलेल्या कार्यकाळानुसार मॅच्युरिटीवर पैसे मिळतात.
तसेच जेव्हा आरडी करण्याची वेळ येते, तेव्हा लोक देशातील सर्वात मोठी बँक एसबीआय आणि पोस्ट ऑफिसला प्राधान्य देतात. आज या लेखात आम्ही पोस्ट ऑफिस आणि एसबीआयच्या आरडी व्याजदरांची तुलना करणार आहोत, जेणेकरून गुंतवणूकदारांना कोणते व्याज जास्त देत आहे.
हेही वाचाः केंद्रीय मंत्रालयाकडून कर्मचाऱ्यांसाठी अपडेट जारी, ‘या’ कर्मचाऱ्यांना मिळणार प्रमोशन
SBI RD वर व्याजदर काय?
SBI एक ते १० वर्षांपर्यंत RD ऑफर करत आहे. एखादी व्यक्ती दरमहा १०० रुपयांपासून गुंतवणूक सुरू करू शकते आणि १० च्या पटीत गुंतवणूक वाढवू शकते. SBI सामान्य गुंतवणूकदारांना ६.५० टक्के ते ७.०० टक्के आणि ज्येष्ठ नागरिकांना ७.०० टक्के ते ७.५० टक्के व्याज देत आहे.
हेही वाचाः केंद्रीय मंत्रालयाकडून कर्मचाऱ्यांसाठी अपडेट जारी, ‘या’ कर्मचाऱ्यांना मिळणार प्रमोशन
SBI RD वर नवे व्याजदर काय?
१ वर्ष ते २ वर्षांपेक्षा कमी कालावधीच्या RD वर सामान्य गुंतवणूकदारांना ६.८० टक्के आणि ज्येष्ठ नागरिकांना ७.३० टक्के व्याज दिले जात आहे.
२ वर्षे ते ३ वर्षांपेक्षा कमी कालावधीच्या RD वर सामान्य गुंतवणूकदारांना ७.०० टक्के व्याज मिळत आहे आणि ज्येष्ठ नागरिकांना ७.५० टक्के व्याज मिळत आहे. सामान्य गुंतवणूकदारांना ६.५० टक्के व्याज आणि ३ वर्षे ते ५ वर्षांपेक्षा कमी कालावधीच्या RD वर ज्येष्ठ नागरिकांना ७.०० टक्के व्याज दिले जात आहे. ५ वर्षे ते १० वर्षांपर्यंतच्या आरडीवर सामान्य गुंतवणूकदारांना ६.५० टक्के व्याज मिळत आहे आणि ज्येष्ठ नागरिकांना ७.५० टक्के व्याज मिळत आहे.
पोस्ट ऑफिस RD वर व्याजदर काय?
पोस्ट ऑफिस आरडी ५ वर्षांच्या मॅच्युरिटीसह येते. यामध्ये १०० रुपयांपासून गुंतवणूक सुरू केली जाऊ शकते आणि तुम्ही ती १० च्या पटीत वाढवू शकता. पोस्ट ऑफिस आरडीमध्ये ज्येष्ठ नागरिकांना अतिरिक्त व्याज दिले जात नाही. पोस्ट ऑफिसच्या आरडीमध्ये ६.५ टक्के व्याज मिळत आहे.
पोस्ट ऑफिस RD
RD वर मिळणाऱ्या व्याजावर १० टक्के TDS लावला जातो. RD वर १०,००० रुपयांपेक्षा जास्त व्याज असल्यासच हे लागू होते.
