Money Mantra : पीपीएफ अन् इक्विटी! दीर्घकालीन फायद्यासाठी कोणती योजना चांगली? गणित समजून घ्या |Public Provident Fund vs Equity Which Scheme Is Better For Long Term Gains Understand Math

How To Invest For Better Long Term Returns : PPF खाते कोणत्याही पोस्ट ऑफिस किंवा बँकेत उघडता येते. गुंतवणूकदार हे खाते फक्त १०० रुपयांमध्ये उघडू शकतात. यामध्ये वार्षिक किमान ५०० रुपये जमा करणे आवश्यक आहे.

PPF vs Equity: दीर्घकालीन फायद्यासाठी कोणती योजना चांगली? गणित समजून घ्या (फोटो क्रेडिट- लोकसत्ता ग्राफिक्स टीम)

अखिल भारद्वाज

Public Provident Fund vs Equity; How to invest for better long-term returns? बऱ्याचदा पब्लिक प्रॉव्हिडंट फंड अर्थात PPF मध्ये गुंतवणूक करून करमुक्त परतावा मिळेल, असे गुंतवणूकदारांना वाटते. कदाचित यामुळेच गुंतवणूकदार आपली सर्व बचत पीपीएफ खात्यात टाकण्याचा विचार करीत असतात. विशेष म्हणजे अशा काही गुंतवणूकदारांना दीर्घकालीन इक्विटी गुंतवणूक पर्यायांचीही बऱ्यापैकी माहिती असते. असे असूनही त्यांची नजर फक्त पीपीएफवर आहे. खरं तर दोन्ही गुंतवणूक पर्यायांची तुलना करणे योग्य नाही, कारण त्यांच्या पोर्टफोलिओमध्ये भिन्न भूमिकांसह भिन्न मालमत्ता वर्गीकरण असते. एकमात्र समानता म्हणजे दोन्ही दीर्घकालीन गुंतवणूक पर्याय आहेत. आता दोन्ही योजनांमध्ये मिळालेल्या रिटर्न्सबद्दल आपण जाणून घेणार आहोत. यासंदर्भातील माहिती पार्टनर अल्फा कॅपिटलच्या अखिल भारद्वाज यांनी दिली आहे.

पीपीएफ खाते कोणत्याही बँक किंवा पोस्ट ऑफिसमध्ये उघडता येते

PPF खाते कोणत्याही पोस्ट ऑफिस किंवा बँकेत उघडता येते. गुंतवणूकदार हे खाते फक्त १०० रुपयांमध्ये उघडू शकतात. यामध्ये वार्षिक किमान ५०० रुपये जमा करणे आवश्यक आहे. सर्वात महत्वाची गोष्ट म्हणजे PPF ला E-E-E श्रेणीमध्ये ठेवण्यात आले आहे. म्हणजे गुंतवणूक, व्याज आणि परिपक्वता रक्कम या तिन्ही गुंतवणूकदारांसाठी पूर्णपणे करमुक्त आहेत. जर तुम्ही पीएफ खात्यात १५ वर्षांसाठी वार्षिक १.५ लाख रुपये गुंतवले तर तुम्ही सुमारे ४४ लाख रुपयांचा निधी तयार करू शकता. सध्या या खात्यात गुंतवलेल्या रकमेवर ७.१ टक्के दराने परतावा मिळत आहे. केंद्र सरकार दर तीन वर्षांनी या प्रकारच्या गुंतवणूक पर्यायाचे व्याजदर बदलत असते. दुसरीकडे इक्विटी अॅसेट क्लासमध्ये साधारणपणे १२ टक्के परतावा मिळू शकतो. मात्र, अशा स्थितीत गुंतवणूकदारांच्या मनात अनेक प्रश्न निर्माण होतात.इक्विटीमधील अतिरिक्त ४ टक्के परतावा बाजारातील अस्थिरतेची भरपाई करू शकतो का?, गुंतवणूकदार सरकारी-समर्थित रोख्यांची सुरक्षितता सोडून देतात का?, असे प्रश्नही तुम्हाला पडत असतील.

आणखी वाचा

बाजाराचा तंत्र-कल : शेअर बाजाराला बाळसं की सूज?

Sushma Andhare : “माझी प्रिय भावजय” म्हणत सुषमा…

माझा पोर्टफोलियो : पोर्टफोलिओला महारत्नाची जोड

Crime against MNS candidate in Nashik East Constituency

नाशिक पूर्व मतदार संघातील मनसे उमेदवाराविरुध्द गुन्हा, पक्ष सचिवाच्या घरात लूट

पुणे: आयुर्विमा पॉलिसीच्या नावाखाली तरुणीची १३ लाखांची फसवणूक

वृध्दांच्या लोकसंख्येचा दर वाढता, काय आहेत आव्हानं?

जनजागृतीवर ५९ कोटींचा खर्च, तरीही सर्वसामान्यांच्या २,८८० कोटींवर डल्ला…बँकेत तुमचे पैसे…

उच्च शिक्षण घेऊ इच्छिणार्‍या विद्यार्थ्यांना मिळणार १० लाखांपर्यंत शैक्षणिक कर्ज; काय आहे ‘पंतप्रधान विद्यालक्ष्मी योजना’?

हेही वाचाः आर्थिक वर्ष २०२२-२३ मध्ये क्रेडिट कार्ड डिफॉल्ट्समध्ये झपाट्याने वाढ

पीपीएफच्या तुलनेत तुम्हाला इक्विटीमध्ये जास्त परताव्याचा लाभ मिळतो

अनिश्चितता आणि जोखीम लक्षात घेता ४ टक्के जास्त परतावा असतानाही नवीन गुंतवणूकदार पीपीएफसाठी इक्विटीला अधिक चांगला पर्याय मानू शकत नाहीत. गुंतवणूकदाराच्या दृष्टीने इक्विटी गुंतवणुकीचे पर्याय कसे चांगले असू शकतात, यावर एक नजर टाकू यात. पीपीएफच्या तुलनेत यावरील सुमारे ४ टक्के अतिरिक्त परतावा गुंतवणूकदारांना फारसा वाटत नाही, परंतु जेव्हा ते १०, २०, ३०, ४० किंवा ५० वर्षांसाठी पैसे साठवता, तेव्हा फरक पडू शकतो. खालील यादीत ते आपण पाहू शकता.

हेही वाचाः मे महिन्यात क्रेडिट कार्डांवर १.४ लाख कोटी रुपये खर्च; बनला नवा रेकॉर्ड

वरचा तक्ता दाखवतो की, पीपीएफ आणि इक्विटी व्हॅल्यूमधील फरक वर्षानुवर्षे कसा वाढतो. १० वर्षात हा फरक फक्त ९ लाख रुपये आहे, पण ५० वर्षांत तो २४ कोटी रुपये आहे. हा फरक एखाद्याची संपत्ती आणि जीवनशैली बदलू शकतो. हेच कारण आहे की, सामान्य उत्पन्न असलेले लोक खूप वेगळे जीवन जगतात. येथे तुम्हाला PPF आणि इक्विटीबद्दल समजले आहे की, कोणत्या पर्यायामध्ये तुम्हाला तुमचे पैसे गुंतवून अधिक फायदा मिळू शकतो. तुमची बचत गुंतवण्यापूर्वी तुम्हाला अशा बाबींची माहिती असलेल्या तज्ज्ञाचा सल्ला घेतल्यानंतरच गुंतवणुकीचा विचार करा.

(अखिल भारद्वाज, पार्टनर अल्फा कॅपिटल यांनी लिहिलेला लेख)

First published on: 17-07-2023 at 14:36 IST

Web Title: Public provident fund vs equity which scheme is better for long term gains understand math vrd