जानेवारी २०१४ पासून ‘लोकसत्ता कर्ते म्युच्युअल फंड’ ही शिफारसप्राप्त म्युच्युअल फंडांची यादी प्रसिद्ध होण्यास सुरुवात झाली. मागील दहा वर्षांत फंडांची मानदंड सापेक्ष कामगिरी आणि अस्थिरता (प्रमाणित विचलन) या दोन निकषांना फंड निवडीत प्राधान्य दिले. फंडांच्या रणनीतीत वेळोवेळी झालेले बदल आणि कामगिरीतील सातत्य हेसुद्धा विचारत घेतले जातात. या यादीत पंचतारांकित फंड नसतील. कारण फंडाचे तारांकन गत कामगिरीवर ठरते. हे फंड पंचतारांकित नसले तरी या फंडांनी कामगिरीत सातत्य राखलेले आढळेल. वाचकांना या यादीत बहुसंख्य फंड तीन किंवा चार तारांकन असलेले आढळतील. सामान्यपणे असे दिसते की, कामगिरी खालावते त्यावेळी निधी व्यवस्थापक कामगिरी सुधारण्यासाठी अतिरिक्त जोखीम घेऊन परतावा वाढवत असतात. म्हणूनच अशा फंडांची निवड मुद्दामहून टाळली आहे. विशेष प्रसंगी एखादा फंड वगळण्यापूर्वी किंवा एखाद्या फंडाचा समावेश करण्यापूर्वी त्या फंडाकडून झालेल्या कंपन्यांच्या निवड पद्धतीबाबत अधिक माहिती घेण्यासाठी निधी व्यवस्थापकाशी चर्चा केली जाते. बहुतेक निर्णय हे पोर्टफोलिओचे दीर्घकालीन स्वरूप आणि रचना लक्षात घेऊन होतात आणि त्यायोगे फंड वगळले जातात किंवा नवीन फंडाचा समावेश केला जातो.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
