करदात्याला विवरणपत्र मुदतीत दाखल करता यावे यासाठी प्राप्तिकर विभागाने विवरणपत्राचे फॉर्म १, २ आणि ४ या वर्षी एप्रिल महिन्याच्या पहिल्या आठवड्यातच उपलब्ध करून दिले आहेत. करदाता आपले विवरणपत्र ऑनलाइन दाखल करू शकतो. असे असले तरी करदात्याचा २०२३-२४ या आर्थिक वर्षाच्या शेवटच्या तिमाहीत कापलेला उद्गम कर (टीडीएस) किंवा गोळा केलेला कर (टीसीएस) फॉर्म २६ एएस किंवा वार्षिक माहिती अहवालामध्ये (एआयएस) अजून दिसत नाही. तसेच जे करदाते नोकरी करतात त्यांना मालकाकडून फॉर्म १६ अजून मिळालेले नाहीत. उद्गम कर कापणाऱ्याला फॉर्म १६ किंवा फॉर्म १६ ए देण्याची मुदत १५ जून, २०२४ पर्यंत आहे. करदात्याने विवरणपत्र दाखल करण्यापूर्वी फॉर्म २६ एएस आणि वार्षिक माहिती अहवालामधील माहिती तपासली पाहिजे, जेणेकरून सगळे व्यवहार, उत्पन्न, उद्गम कर आणि भरलेला कर विवरणपत्रात अचूक दाखविला जाईल. त्यामुळे विवरणपत्राचे फॉर्म उपलब्ध झाले असले तरी करदात्याने ही माहिती मिळाल्याशिवाय विवरणपत्र दाखल करण्याची घाई करू नये.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
