Personal Loan : तुम्ही कितीही पैसे कमावले तरी एक वेळ अशी येते, जेव्हा आपल्याला कोणाकडून तरी पैसे उधारीवर घ्यावे लागतात. अशा परिस्थितीत वैयक्तिक कर्ज हा एक चांगला पर्याय असू शकतो. याबाबत लोकांच्या मनात एकच भीती आहे की, त्यांना वैयक्तिक कर्जावर भरपूर व्याज द्यावे लागते. यात आम्ही तुम्हाला देशातील अशा ५ बँकांबद्दल सांगणार आहोत, जिथे तुम्हाला कमी व्याजदरात वैयक्तिक कर्ज मिळू शकते. आमच्या यादीमध्ये बँक ऑफ महाराष्ट्र ते IDFC फर्स्ट बँकेचा समावेश आहे.
बँक ऑफ महाराष्ट्र
ही सरकारी बँक आपल्या ग्राहकांना २० लाख रुपयांपर्यंतचे वैयक्तिक कर्ज देते. बँकेच्या नियमांनुसार तुम्ही पात्र असाल तर तुम्ही याचा लाभ घेऊ शकता. ही बँक वैयक्तिक कर्जावर १० टक्के वार्षिक व्याज आकारते. बँकेची अट अशी आहे की, ग्राहकाने घेतलेल्या वैयक्तिक कर्जाची कमाल मुदत ८४ महिने आहे.
बँक ऑफ इंडिया
बँक ऑफ इंडिया आपल्या ग्राहकांना २० लाख रुपयांपर्यंतचे वैयक्तिक कर्जदेखील देते. बँक यावर १०.२५% दराने व्याज आकारते. तर वैयक्तिक कर्जाची कमाल मुदत ८४ महिने आहे.
इंडसइंड बँक
इंडसइंड बँकेचे ग्राहक ३०,००० ते ५० लाख रुपयांपर्यंत वैयक्तिक कर्ज घेऊ शकतात. कंपनी आपल्या ग्राहकांना १०.२५ टक्के ते २७ टक्के व्याजदराने ही कर्जे देते आणि या कर्जाचा कालावधी १ वर्ष ते ६ वर्षांपर्यंत असतो.
पंजाब नॅशनल बँक
पंजाब नॅशनल बँकेचे ग्राहक १० लाख रुपयांपर्यंतचे वैयक्तिक कर्ज घेऊ शकतात. ग्राहकाला दिलेल्या या कर्जावर बँक १०.४ ते १६.९५ टक्के व्याज आकारते. वेळेच्या मर्यादेबद्दल बोलायचे झाल्यास कर्जाची कमाल मुदत ६० महिन्यांपर्यंत आहे.
IDFC फर्स्ट बँक
IDFC फर्स्ट बँक आपल्या ग्राहकांना कमाल 1 कोटी रुपयांपर्यंतचे वैयक्तिक कर्ज देते. या कर्जावर बँक 10.49 टक्के व्याजदर आकारते. बँकेने दिलेल्या या वैयक्तिक कर्जाची मुदत ६ महिने ते ५ वर्षांपर्यंत असते.
