Money Mantra : येस बँकेच्या ग्राहकांना आता क्रेडिट कार्डाद्वारे UPI पेमेंट करता येणार, क्रेडिट फ्री पीरियड फीचरचा लाभही मिळणार|

ग्राहक आता 'क्रेडिट फ्री' कालावधी वैशिष्ट्याचा लाभ घेऊ शकतात, जे पूर्वी पीओएस/ईकॉम आधारित व्यवहारांपुरते मर्यादित होते. यामुळे डिजिटल पेमेंटची सुविधा आणखी विस्तारली आहे, असंही येस बँकेने म्हटले आहे.

Money Mantra : येस बँकेच्या ग्राहकांना आता क्रेडिट कार्डाद्वारे UPI पेमेंट करता येणार

येस बँकेने डिजिटल पेमेंट सोल्यूशन वाढविण्यासाठी रुपे क्रेडिट कार्डाद्वारे UPI पेमेंट सुरू केले आहे. ग्राहक आता त्यांचे येस बँक रुपे क्रेडिट कार्ड UPI सक्षम अॅप्स जसे की, BHIM, PhonePe, Paytm, Google Pay, Slice, MobiKwik आणि PayZapp शी लिंक करू शकतात. एकदा लिंक झाल्यानंतर ग्राहक अतिरिक्त सुरक्षिततेसह क्रेडिट कार्ड आधारित व्यवहार करू शकतात.

रुपे क्रेडिट कार्डने UPI पेमेंट शक्य होणार

ग्राहक आता ‘क्रेडिट फ्री’ कालावधी वैशिष्ट्याचा लाभ घेऊ शकतात, जे पूर्वी पीओएस/ईकॉम आधारित व्यवहारांपुरते मर्यादित होते. यामुळे डिजिटल पेमेंटची सुविधा आणखी विस्तारली आहे, असंही येस बँकेने म्हटले आहे. रुपे क्रेडिट कार्डाशिवाय विद्यमान येस बँक क्रेडिट कार्ड ग्राहकांना व्हर्च्युअल येस बँक रुपे क्रेडिट कार्ड मिळू शकते आणि ते त्यांच्या विद्यमान UPI अॅपशी लिंक करू शकतात.

येस बँक देशातील सर्व UPI व्यापारी व्यवहारांपैकी ४० टक्के व्यवहारांवर अधिकार देते. आम्ही डिजिटल उपक्रमाच्या माध्यमातून गेल्या काही वर्षांत अशा क्षमता निर्माण केल्या आहेत, ज्या मोठ्या प्रमाणावर डिजिटल व्यवहार करू शकतात, ज्यामुळे लाखो ग्राहकांच्या जीवनावर परिणाम होतोय, असंही येस बँकेचे कार्यकारी संचालक राजन पेंटल यांचं म्हणणं आहे.

हेही वाचाः अदाणींचा अमेरिकन मित्र झाला मालामाल, चार महिन्यांत कमावले ‘इतके’ हजार कोटी

RuPay क्रेडिट कार्डाला हा फायदा मिळणार

ते पुढे म्हणाले की, रुपे क्रेडिट कार्डावर UPI पेमेंट सुविधा उपलब्ध करून देणे हे ग्राहकांना लाभदायक आणि सोयीस्कर बँकिंग अनुभव प्रदान करण्याचे आमचे ध्येय आहे. या सहकार्याने डिजिटल होण्याच्या दिशेने भारताची प्रगती आणखी मजबूत करण्याचे आमचे उद्दिष्ट आहे.मजबूत अर्थव्यवस्था ग्राहकांना सुरक्षित आणि अखंड पेमेंट अनुभव प्रदान करते. रुपे क्रेडिट कार्डवर UPI सक्षम केल्याने ग्राहकांना अनेक फायदे मिळतील आणि UPI प्लॅटफॉर्मवर उपलब्ध लाखो व्यापाऱ्यांमध्ये पेमेंट स्वीकारणं वाढेल, तसेच क्रेडिट कार्डचे फायदे देखील वाढतील.

हेही वाचाः जागतिक उपासमारीच्या निर्देशांकात पाकिस्तान २६.१ वर घसरला; १२१ देशांमध्ये पाक कोणत्या स्थानी?

व्हर्च्युअल कार्डामुळे सुरक्षा वाढणार

NPCI च्या चीफ ऑपरेटिंग ऑफिसर प्रवीणा राय म्हणाल्या, “UPI वर येस बँक रुपे क्रेडिट कार्डच्या एकत्रिकरणामुळे व्यक्ती RuPay च्या अत्यंत सुरक्षित नेटवर्कवर ऑनलाइन आणि ऑफलाइन प्लॅटफॉर्मवर अखंडपणे व्यवहार करू शकतात, ज्यामुळे त्यांना त्यांचे कार्ड फिजिकली जवळ बाळगण्याची गरज नसते.” देशात क्रेडिट कार्डची मागणी सतत वाढत असताना UPI वरील रुपे क्रेडिट कार्ड वापराची धारणा बदलत आहे आणि विशेषत: निम शहरी आणि ग्रामीण भागात क्रेडिट प्रवेश अधिक वाढवण्याची क्षमता आहे.”

First published on: 27-07-2023 at 17:36 IST

Web Title: Yes bank customers will now be able to make upi payments through credit cards will also get the benefit of the credit free period feature vrd