भारताच्या मध्यवर्ती बँकेने काल संध्याकाळी पी. वासुदेवन यांची RBI चे नवीन कार्यकारी संचालक म्हणून नियुक्ती केली आहे. ३ जुलैपासून ते पदभार स्वीकारणार आहेत. त्यांच्याकडे चलन व्यवस्थापनाशी संबंधित आणखी तीन विभागांची जबाबदारी असेल. त्यांच्याकडे चलन व्यवस्थापन, कॉर्पोरेट धोरण आणि बजेट विभागाची जबाबदारी सोपवण्यात आली आहे.
याआधी ते पेमेंट आणि सेटलमेंट सिस्टम विभागाचे प्रभारी मुख्य व्यवस्थापक म्हणून काम करीत होते. आरबीआयच्या मुख्य कार्यालयाबरोबरच त्यांनी दिल्ली, मुंबई आणि बंगळुरू येथील कार्यालयांमध्येही काम केले आहे. RBI च्या परिपत्रकात म्हटले आहे की, वासुदेवन यांनी बँकांबरोबरच नॉन-बँकिंग वित्तीय कंपन्या, पेमेंट आणि सेटलमेंट सिस्टममध्ये देखील काम केले आहे. तसेच ते बँकर्स ट्रेनिंग कॉलेजमध्ये प्राध्यापक म्हणूनही कार्यरत आहेत.
पी. वासुदेवन यांचे शिक्षण किती?
वासुदेवन यांनी माहिती प्रणाली ऑडिट (CISA), माहिती सुरक्षा व्यवस्थापन (CISM) आणि FinTech (National University of Singapore) मध्ये पदव्युत्तर पदवी प्राप्त केली आहे. ते इंडियन इन्स्टिट्यूट ऑफ बँकर्स (CAIIB) चे प्रमाणित सहयोगी आणि द व्हार्टन स्कूलचे माजी विद्यार्थी देखील आहेत.
हेही वाचाः Money Mantra : प्राप्तिकर परताव्याचे पाच नियम तुम्हाला माहीत आहेत का?
‘या’ पदांवरही नियुक्ती करण्यात आली
गेल्या महिन्यात आरबीआयने दोन नवीन कार्यकारी संचालकांच्या नियुक्तीची घोषणा केली होती. यामध्ये डॉ. राजीव रंजन आणि डॉ. सितिकंथा पटनायक यांची निवड करण्यात आली आहे. राजीव रंजन यांच्याकडे कार्यकारी संचालक म्हणून चलनविषयक धोरण विभागाची (एमपीडी) जबाबदारी देण्यात आली आहे. ते आरबीआय एमपीसीचे सदस्य म्हणूनही काम करतील. ज्यामध्ये डॉ. सितिकंथा पटनायक यांच्याकडे आर्थिक आणि धोरण संशोधन (DEPR) विभागाची जबाबदारी देण्यात आली आहे. त्यांची कार्यकारी संचालक म्हणून नियुक्ती करण्यात आली आहे.
हेही वाचाः टीसीएसनंतर आता टाटा स्टीलमध्ये ३८ कर्मचाऱ्यांना केले कमी; कंपनीने सांगितले ‘कारण’
