एका चित्रपटामुळं तुटलं ३,५०० कोटींच्या IPO चं स्वप्न; इंदिरा IVF शी निगडित वाद काय आहे?

Indira IVF IPO and Tumko Meri Kasam Film: चित्रपटातून एखादा विचार मांडणे किंवा प्रतिमा उंचावणे, हे आता नवीन राहिलेले नाही. क्रीडापटू, उद्योगपती, विशिष्ट विचारधारा यावर आधारित अनेक चित्रपट आजवर प्रदर्शित झाले आहेत. मात्र एका कंपनीच्या प्रवासाबाबतच्या चित्रपटामुळे त्या कंपनीलाच संभाव्य नुकसान सहन करावे लागल्याची घटना पहिल्यांदाच घडली आहे. इंदिरा आयव्हीएफ हॉस्पिटल ही कंपनी काही दिवसांत ३,५०० कोटींचा आयपीओ आणणार होती. मात्र एका चित्रपटामुळे ही योजना फसली. ‘तुमको मेरी कसम’ हा चित्रपट २१ मार्च रोजी प्रदर्शित झाला. या चित्रपटाने तिकीटबारीवर केवळ ६५ लाख कमविले. मात्र चित्रपटामुळे ३,५०० कोटींचा आयपीओ आणण्यात आडकाठी निर्माण झाली.
दिग्दर्शक विक्रम भट यांनी ‘तुमको मेरी कसम’ चित्रपटाचे दिग्दर्शन केले आहे. चित्रपटात अनुपम खेर, ईशा देओल, अदाह शर्मा, इश्वाक सिंह यासारखे कलाकार आहेत. इंदिरा आयव्हीएफचे संस्थापक डॉ. अजय मुरडिया यांच्या जीवनावर चित्रपट बेतलेला आहे. आयव्हीएफला मुख्य प्रवाहात आणण्यासाठी डॉ. मुरडिया यांनी जो लढा दिला, त्याचे वर्णन चित्रपटात केले आहे. अनुपम खेर यांनी डॉ. मुरडिया यांचे पात्र रंगविले असून त्यांच्या भूमिकेचे अनेकांनी कौतुक केले. मात्र तिकीटबारीवर चित्रपट फारसा कमाल दाखवू शकला नाही. प्रेक्षकांनी ज्या पद्धतीने चित्रपटाकडे पाठ फिरवली, त्याप्रमाणे सेबीलाही चित्रपट रुचला नाही, असे दिसते.
चित्रपटाचे आयपीओशी संबंध काय?