Stock Market Highlights: शेअर बाजारात दिवसभर चढउतार; दिवसअखेर सेन्सेक्स आणि निफ्टी कालच्याच अंकांवर स्थिरावले

सकाळी ७०० अंकांची उसळी घेतल्यानंतर दुपारी १२ वाजल्यापासून सेन्सेक्स आणि निफ्टी निर्देशांकात सातत्याने चढ उतार झालेला पाहायला मिळत आहे. बाजारात तेजी आल्यानंतर अनेकांनी नफा काढून घेतल्याचे बोलले जात आहे.

सकाळी सेन्सेक्सने ६०० अंकाची उसळी घेतल्यानंतर ११ वाजून ४० मिनिटांनी सेन्सेक्समध्ये २० अंकाची घसरण पाहायला मिळाली. तर निफ्टी निर्देशांकही लाल रंगात दिसला. निफ्टीमध्ये ११ अंकाची घसरण पाहायला मिळाली.

सेन्सेक्स निर्देशांकात एचसीएल टेक, अल्ट्राटेक सिमेंट, बजाज फिन्सर्व्ह, इन्फोसिस आणि टीसीएस यांनी चांगली कामगिरी केली आहे. तर दुसरीकडे इंडसलँड बँक, झोमॅटो, एशियन पेंट, टाटा स्टिल आणि रिलायन्स इंडस्ट्रीज हे शेअर आपटले आहेत.

काल दिवसभरात १,२०० अंकाची आघाडी घेतल्यानंतर सेन्सेक्स निर्देशांकात आज पहिल्या तासात ६४० अंकाची उसळी घेतल्याचे पाहायला मिळाले. बाजार पुन्हा सुस्थितीत आल्यामुळे गुंतवणूकदारांमध्ये उत्साहाचे वातावरण दिसत आहे.