Top 10 Most Valuable Indian Brands in 2025 : टाटा जगात भारी! इन्फोसिस, HDFC सह ‘हे’ आहेत २०२५ मधील टॉप १० सर्वात मौल्यवान भारतीय ब्रँड

ब्रँड फायनान्सच्या ताज्या रिपोर्टनुसार टाटा ग्रुपने जागतिक स्तरावर भारताची मान उंच केली आहे. या रिपोर्टनुसार टाटा ग्रुपची ब्रँड मूल्य ३१.६ अब्ज डॉलर असून, ज्यामध्ये १० टक्के वाढ आहे. याबरोबरच २०२५ मध्ये जगातील टॉप १०० सर्वात मूल्यवान ब्रँडमध्ये आघाडीचा भारतीय ब्रँड म्हणून आपले स्थान कायम ठेवले आहे. जागतिक स्तरावर हा भारतीय ब्रँड ६० व्या क्रमांकावर आहे .

सर्वात मूल्यवान भारतीय ब्रँडच्या यादीत इन्फोसिस दुसर्‍या क्रमांकावर आहे. इतकेच नाही तर इन्फोसिस सलग चौथ्या वर्षी जागतिक स्तरावर तिसर्‍या क्रमांकाची सर्वात मूल्यवान आयटी सर्व्हिसेस ब्रँड ठरला आहे.

विशेष बाब म्हणजे २०२५ मध्ये एलआयसी सर्वात वेगाने वाढणारा भारतीय ब्रँड म्हणून उदयास आला आहे. कारण २०२५ मध्ये एलआयसीच्या ब्रँड व्हॅल्यूमध्ये ३६ टक्के वाढ झाली आहे, जी आता १३.३ अब्ज डॉलर्सपर्यंत पोहोचली आहे आणि त्याचबरोबर एएए ब्रँड स्ट्रेंथ रेटिंग देखील कायम ठेवली आहे, असेही रिपोर्टमध्ये सांगण्यात आले आहे.

या यादीत एचडीएफसी ग्रुपने पहिल्यांदाच या यादीत स्थान मिळवले आहे. या ग्रुपची ब्रँड व्हॅल्यू १४.२ अब्ज डॉलर आहे. तर लार्सन अँड टुब्रोची ब्रँड व्हॅल्यू ७.४ अब्ज डॉलर आहे. तर जीओ ग्रूप देखील ६.५ अब्ज डॉलर इतक्या ब्रँड व्हॅल्यूसह जागतिक स्तरावर आपले स्थान पक्के करताना दिसून येत आहे.

जागतिक ब्रँड व्हॅल्यू मार्केटमध्ये सध्या तरी अमेरिका आघाडीवर आहे, एकूण ब्रँड व्हॅल्यू मार्केटच्या ५२.९ टक्के वाटा हा अमेरिकेचा आहे. त्यामुळे जगभरातील इतर देश शर्यतीत खूपच मागे असल्याचे दिसून येते. तर ब्रँड फायनान्स ग्लोबल ५००, २०२५ मधील सर्वात मौल्यवान ब्रँडमध्ये भारत ८ व्या स्थानावर आहे. भारताचा ब्रँड व्हॅल्यूमध्ये एकूण १.७ टक्के वाटा आहे. ज्याच्या आधारे भारतीय ब्रँड्सचे जागतिक स्तरावर वाढते महत्त्व अधोरेखित होते.

ब्रँड फायनान्स रिपोर्ट २०२५ नुसार भारतातील टॉप १० सर्वात मौल्यवान ब्रँडची यादी खालीलप्रमाणे आहे.