म. फुले कृषी विद्यापीठ, राहुरी जि. नगर येथे खालील कृषी तंत्रज्ञान पदविका अभ्यासक्रम उपलब्ध आहेत-
स्र् कृषी तंत्रज्ञान पदविका अभ्यासक्रम – कालावधी दोन वर्षे (मराठी माध्यम)
स्र् कृषी तंत्रज्ञान पदविका अभ्यासक्रम – कालावधी तीन वर्षे (सेमी इंग्रजी माध्यम)
आवश्यक शैक्षणिक पात्रता : अर्जदार विद्यार्थी शालान्त परीक्षा उत्तीर्ण झालेले असावेत.
निवड पद्धती : अर्जदार विद्यार्थ्यांपैकी पात्रताधारक विद्यार्थी- उमेदवारांना महाराष्ट्र ज्ञान महामंडळ, पुणेतर्फे संगणकीय पद्धतीवर आधारित प्रवेशपरीक्षा द्यावी लागते.
संबंधित विद्यार्थ्यांची दहावीच्या पद्धतीतील गुणांची टक्केवारी व संगणकीय निवड पद्धतीच्या गुणांकावर आधारित जिल्हानिहाय प्रवेश देण्यात येईल.
अर्ज व माहितीपत्रक : अर्ज व माहितीपत्रक २५ रु. रोखीने भरल्यास महाराष्ट्र ज्ञान महामंडळाच्या संबंधित जिल्ह्य़ातील अधिकृत केंद्रावर उपलब्ध होईल.
अर्जासह भरावयाचे शुल्क : अर्जासह भरावयाचे शुल्क म्हणून सर्वसाधारण गटाच्या उमेदवारांनी ३०० रु. (राखीव गटातील उमेदवारांनी १५० रु.) रोखीने महाराष्ट्र ज्ञान महामंडळाच्या अधिकृत केंद्रावर भरणे आवश्यक आहे.
अधिक माहिती व तपशिलासाठी संपर्क : अभ्यासक्रमांच्या संदर्भात अधिकाऱ्यांशी दूरध्वनी क्र. ०२१६७-३०४२०४ वर संपर्क साधावा अथवा महाराष्ट्र ज्ञान महामंडळाच्या http:oasis.mkcl.org/ agridiploma या संकेतस्थळाला भेट द्यावी.
अर्ज पाठविण्याची पद्धत व शेवटची तारीख : संपूर्णपणे भरलेले व आवश्यक ते कागदपत्र, तपशील आणि शुल्कासह असणारे अर्ज महाराष्ट्र ज्ञान महामंडळाच्या अधिकृत केंद्रावर जमा करण्याची शेवटची तारीख ८ जुलै २०१३.
दहावी उत्तीर्ण ज्या विद्यार्थ्यांना कृषी तंत्रज्ञान विषयातील पदविकेसह आपले करिअर करायचे असेल अशा विद्यार्थ्यांना हे अभ्यासक्रम उपयुक्त ठरू शकतात.
