रेल्वेत सरकारी नोकरीसाठी केला होता अर्ज, जाणून घ्या परीक्षेची तारीख, प्रवेशपत्र आणि अपडेट्स

मार्च २०१९ मध्ये भारतीय रेल्वेमध्ये १.०३ लाख गट डी पदांसाठी भरती झाली होती. मात्र या भरतीची परीक्षा अद्याप होऊ शकली नाही. प्रथम एजन्सी न मिळाल्याने परीक्षेला उशीर झाली आणि नंतर कोरोना महामारीमुळे परीक्षा होऊ शकली नाही, असे बोलले जात आहे. या परीक्षेसाठी करोडो अर्ज आले आहेत.

येथे तुम्हाला मिळेल प्रवेशपत्र

ज्या उमेदवारांनी RRB गट डी परीक्षेसाठी यशस्वीपणे अर्ज केला होता त्यांना संगणक आधारित चाचणीत बसण्यासाठी प्रवेशपत्र दिले जाईल. उमेदवारांना त्यांचे प्रवेशपत्र परीक्षेच्या ४ दिवस आधी RRB च्या प्रादेशिक वेबसाइटवरून यूजर आयडी आणि पासवर्डद्वारे डाउनलोड करता येईल.

परीक्षेत विचारले जाणारे प्रश्न

या परीक्षेत जनरल इंटेलिजन्स आणि रिझनिंगमध्ये अॅनालॉगी, डेटा सफिशियन्सी, सिलोजिझम, कोडिंग-डिकोडिंग, रिलेशनशिप इत्यादी विषयांवर प्रश्न विचारले जातील. तसेच मैथमेटिक्स करिता संख्या प्रणाली, टक्केवारी, BODMAS, LCM-HCF, साधे आणि चक्रवाढ व्याज, बीजगणित, नफा आणि तोटा इत्यादी विषयांवरून गणित विषयाचे प्रश्न विचारले जातील.

या नियमांचे पालन करणे आवश्यक आहे

कोविड-19 ची परिस्थिती लक्षात घेता, उमेदवारांना परीक्षेला बसण्यासाठी मास्क घालणे बंधनकारक असेल. याशिवाय त्यांना इतर उमेदवारांपासून अंतर ठेवावे लागेल आणि सॅनिटायझर सोबत ठेवावे लागेल.

या राज्यांमध्ये परीक्षा घेतली जाणार आहे

RRB ग्रुप डी परीक्षा महाराष्ट्र, आंध्र प्रदेश, आसाम, बिहार, चंदीगड, दिल्ली, गुजरात, हरियाणा, कर्नाटक, पंजाब, राजस्थान, उत्तर प्रदेश आणि पश्चिम बंगालमधील विविध केंद्रांवर घेतली जाईल.

RRB गट डी परीक्षा पॅटर्न

RRB ग्रुप डी परीक्षेत सर्व विषयांमधून एकूण १०० प्रश्न विचारले जातील. या प्रश्नांचा प्रयत्न करण्यासाठी उमेदवारांना ९० मिनिटे दिली जातील. प्रत्येक बरोबर उत्तरासाठी १ गुण असेल, तर प्रत्येक चुकीच्या उत्तरासाठी १/३ गुण नकारात्मक असेल. ही परीक्षा हिंदी आणि इंग्रजी भाषेव्यतिरिक्त १५ भाषांमध्ये घेतली जाणार आहे.