करिअरमंत्र

–मिलिंद आपटे

संस्कृत विषयातील चांगले तज्ज्ञ, अभ्यासक यांची सध्या वानवाच आहे. त्यामुळे या विषयातील पदव्युत्तर पदवीनंतर विविध प्रकारच्या संधी मिळू शकतात. सध्या योग, भविष्य, भारतीय प्राचीन तत्वज्ञान, संस्कृत साहित्य, वेद, वास्तुशास्त्र, आयुर्वेद या विषयांतील उत्सुकता जगभर वाढत आहे. त्याच प्रमाणे त्याचा अभ्यास करण्याचा कलही वाढत आहे. त्यावर जर्मनी, जपान, इंग्लंड अमेरिकासारख्या देशात संशोधनादी कार्यक्रमही सुरू असतात. संस्कृत भाषेवरील प्रभुत्व असणाऱ्या व्यक्ती प्राचीन संस्कृत साहित्याच्या अभ्यासामध्ये व्हॅल्यू अ‍ॅडिशन करू शकतात. आपण शिकलेल्या ज्ञानाचा कसा उपयोग करता यावरही करिअरची उन्नती अवलंबून राहील. संस्कृत विषयाचे अध्यापक म्हणून संधी उपलब्ध होऊ  शकते.

केंद्रीय नागरी सेवा परीक्षासुद्धा देता येईल. काही उमेदवारांच्या मते नागरी सेवा परीक्षेतील ऐच्छिक विषयांमध्ये संस्कृत हा सवरेत्कृष्ट पर्याय आहे. त्याचे कारण या विषयाचा मर्यादित स्वरूपातील अभ्यासक्रम. संघ लोक सेवा आयोगाने जाहीर केलेला अभ्यासक्रम तीन ते चार महिन्यांत पूर्ण करणे शक्य असल्याचे काही उमेदवारांचा अनुभव आहे.

मी अ‍ॅनालिटिकल केमिस्ट्री या विषयात २०१७ साली एम.एस्सी पूर्ण केले आहे. मला सरकारी नोकरी करायची आहे. मला करिअरच्या कोणत्या संधी आहेत?

–अनंत शिंदे

एन्व्हायरन्मेंट प्रोटेक्शन ट्रेनिंग रिसर्च इन्स्टिटय़ूट, नॅशनल इन्स्टिटय़ूट ऑफ ऑक्युपेशनल हेल्थ, सेंट्रल फूड टेक्नॉलॉजिकल रिसर्च इन्स्टिटय़ूट, इन्स्टिटय़ूट ऑफ केमिकल टेक्नॉलॉजी, सेंटर फॉर सेल्युलर अँड मॉलेक्युलर प्लॅटफाम्र्स, भारत पेट्रोलियम कॉर्पोरेशन, स्पाइस बोर्ड ऑफ इंडिया, नॅशनल डोप टेस्टिंग लॅबोरेटरी, नॅशनल सेंटर फॉर बायोलॉजिकल सायन्सेस, सेंटर फर्टिलायझर क्वालिटी कंट्रोल अँड ट्रेनिंग इन्स्टिटय़ूट, डिपार्टमेंट ऑफ  अ‍ॅग्रीकल्चर अँड कोऑपरेटिव्ह यांसारख्या संस्थांमध्ये तुम्हाला नोकरी मिळू शकते.

तुमचे अभ्यासक्रम अथवा करिअरसंबंधीचे प्रश्न career.vruttant@expressindia.com या पत्त्यावर पाठवा.)