शैक्षणिक संधी

अभियांत्रिकी विद्यार्थ्यांसाठी
‘करिअर फेस्ट’
डोंबिवलीच्या विवेकानंद सेवा मंडळ या संस्थेतर्फे २९ – ३० जून रोजी डोंबिवली – कल्याण पालिका क्रीडासंकुल, एमआयडीसी, डोंबिवली (पूर्व) येथे आयोजित केलेल्या ‘करिअर फेस्टील्लॠ. 2013’ या सशुल्क उपक्रमात अभियांत्रिकी पदवी अभ्यासक्रमाच्या अखेरच्या वर्षांत शिकणाऱ्या विद्यार्थ्यांना उच्च शिक्षण आणि थेट नोकरीच्या संधींची माहिती देण्यात येणार आहे. या मेळाव्यादरम्यान अभियांत्रिकीच्या प्रत्येक विद्याशाखेत काम करण्यासाठी लागणारे कौशल्य आणि संधी याविषयी चर्चासत्रे होतील. या करिअर मेळाव्यात सुमारे २५ कंपन्या उपस्थित राहणार आहेत. या करिअर मेळाव्यात सहभागी होऊ इच्छिणाऱ्या अंतिम वर्षांत शिकणाऱ्या अभियांत्रिकीच्या विद्यार्थ्यांनी http://www.vsmandal.org/careerguruया संकेतस्थळावर नावनोंदणी करावी.
अधिक माहितीसाठी ०२५१ – २८००३०३ या क्रमांकावर सकाळी ११ ते सायं. ७ या कालावधीत संपर्क करावा. अथवा helpdesk@vsmandal.org  पत्त्यावर ईमेल करता येईल.

संस्कृतमधील उच्च
शिक्षणाच्या संधी
मुंबई विद्यापीठाच्या संस्कृत विभागातर्फे संस्कृत प्रमाणपत्र, पदविका, प्रगत पदविका, हस्तलिखितशास्त्र प्रमाणपत्र, पदविका, प्रगत पदविका, पुराकथाशास्त्र पदव्युत्तर पदविका, प्रगत पदविका, रहस्यवाद पदव्युत्तर पदविका, प्रगत पदविका, भक्तिसाहित्य प्रमाणपत्र अभ्यासक्रम सुरू होत आहे. इच्छुकांनी २६५३०२०१ क्रमांकावर संपर्क साधावा अथवा sanskritbhavan.blogspot.com या संकेतस्थळावर अधिक माहिती पाहावी.

रशियन विद्यापीठातर्फे शिष्यवृत्त्या
रशियाच्या राज्य व सरकारी विद्यापीठांत व्यावसायिक अभ्यासक्रमांना प्रवेश घेणाऱ्या विद्यार्थ्यांसाठी देण्यात येणाऱ्या पूर्णवेळ किंवा अर्धवेळ शिष्यवृत्त्यांसाठी अर्ज करण्याची संधी विद्यार्थ्यांना उपलब्ध आहे.
प्रवेश आणि अधिक माहितीसाठी प्रवेशाचे अधिकृत केंद्र असणाऱ्या एज्युरशियाच्या www.edurussia.in या वेबसाइटवर ऑनलाइन अर्ज करता येईल.