भारतीय वन सेवा परीक्षा २०१३

केंद्रीय लोकसेवा आयोगातर्फे केंद्र सरकारच्या वन मंत्रालय विभागांतर्गत अधिकारी पदावर नेमणूक करण्यासाठी राष्ट्रीय स्तरावर घेण्यात येणाऱ्या भारतीय वन-सेवा परीक्षा २०१३ साठी खाली नमूद केल्याप्रमाणे पात्रताधारक उमेदवारांकडून अर्ज मागविण्यात येत आहेत –
उपलब्ध जागांची संख्या व तपशील : या स्पर्धा परीक्षेद्वारा निवड करावयाच्या एकूण जागांची संख्या ८५ असून यापैकी काही जागा सरकारी नियमांनुसार राखीव आहेत.
आवश्यक शैक्षणिक पात्रता : अर्जदारांनी पशुविज्ञान वा पशुवैद्यक, वनस्पतीशास्त्र, रसायनशास्त्र, भूगोल, गणित, भौतिकशास्त्र, सांख्यिकी, प्राणीशास्त्र, वनशास्त्र वा अभियांत्रिकी या विषयांसह पदवी परीक्षा उत्तीर्ण केलेली असावी व ते शारीरिकदृष्टय़ा सक्षम असायला हवेत.
वयोमर्यादा : उमेदवाराचे वय ३० वर्षांहून अधिक नसावे. वयोमर्यादेची अट राखीव गटातील उमेदवारांसाठी शिथिलक्षम.
निवडप्रक्रिया : अर्जदारांपैकी पात्रताधारक उमेदवारांना लेखी निवड परीक्षेसाठी बोलाविण्यात येईल. ही निवड परीक्षा देशांतर्गत निवडक परीक्षा केंद्रांवर २६ मे २०१३ रोजी घेण्यात येईल व त्यामध्ये महाराष्ट्रातील मुंबई व नागपूर या परीक्षा केंद्रांचा समावेश असेल.
लेखी निवड परीक्षेत निर्धारित गुणांक मिळविणाऱ्या उमेदवारांना केंद्रीय लोकसेवा आयोगातर्फे निवडप्रक्रिया, शारीरिक क्षमता चाचणी व मुलाखतीसाठी बोलाविण्यात येऊन त्या आधारे त्यांची अंतिम निवड करण्यात येईल.
अर्जासह भरावयाचे शुल्क : अर्जदारांनी आपल्या अर्जासह भरावयाचे शुल्क म्हणून १०० रु. रोखीने स्टेट बँक ऑफ इंडिया अथवा तिच्या सहयोगी बँकेत रोखीने व चलनद्वारा भरणे आवश्यक आहे.
अधिक माहिती व तपशील : यासंदर्भात अधिक माहिती व तपशिलासाठी ‘एम्प्लॉयमेंट न्यज’च्या १६ ते २२ मार्च २०१३ च्या अंकात प्रकाशित झालेली केंद्रीय लोकसेवा आयोगाची भारतीय वन-सेवा परीक्षेची जाहिरात पाहावी अथवा आयोगाच्या http://www.upsc.gov.in या संकेतस्थळाला भेट द्यावी.
अर्ज करण्याची पद्धत व शेवटची तारीख : संगणकीय पद्धतीने केंद्रीय लोकसेवा आयोगाच्या www.upsconline.nic.in या संकेतस्थळावर अर्ज करण्याची शेवटची तारीख ४ एप्रिल २०१३.
सुरुवातीला नमूद केल्याप्रमाणे असणाऱ्या ज्या पात्रताधारक पदवीधर उमेदवारांना केंद्र सरकारच्या सेवेत थेट वन-अधिकारी म्हणून आपली करिअर-कारकीर्द सुरू करायची असेल अशांनी या संधीचा जरूर विचार करावा.