इंडियन रेल्वे केटरिंग अँड टुरिझम कॉर्पोरेशन (IRCTC) ने अप्रेंटिस पदांच्या भरतीसाठी अधिसूचना जारी केली आहे. इच्छुक आणि पात्र उमेदवार IRNTC अपरेंटिसशिप भर्ती २०२१ साठी भारत सरकारच्या apprenticeshipindia.org वर अर्ज करू शकतात.या प्रक्रियेद्वारे संगणक ऑपरेटर आणि प्रोग्रामिंग सहाय्यकाच्या एकूण १०० पदांची भरती केली जाईल. या पदांवरील निवडक उमेदवारांना आठवड्यातून ६ दिवस काम करावे लागेल आणि यासाठी त्यांना ७००० ते ९००० रुपये दरमहा वेतन दिले जाईल.
पात्रता काय?
प्रशिक्षणार्थी पदावर भरतीसाठी, उमेदवाराने मान्यताप्राप्त मंडळाकडून दहावी किंवा समकक्ष परीक्षा उत्तीर्ण केलेली असावी. तथापि, उच्च शैक्षणिक पात्रता असलेले उमेदवार देखील अर्ज करू शकतात.
निवड प्रक्रिया काय?
या भरतीसाठी अर्जाच्या आधारे उमेदवारांची निवड केली जाईल. त्यानंतर निर्धारित प्रक्रियेनुसार शॉर्टलिस्ट केलेल्या उमेदवारांची निवड केली जाईल. यानंतर निवडलेल्या उमेदवारांना एक महिन्यासाठी मूलभूत प्रशिक्षण दिले जाईल आणि नंतर १२ महिने नोकरीचे प्रशिक्षण दिले जाईल. तपशीलवार माहितीसाठी उमेदवार अधिकृत अधिसूचना तपासू शकतात.
अर्ज कसा करायचा?
कॉम्प्युटर ऑपरेटर आणि प्रोग्रामिंग सहाय्यक पदावर भरतीसाठी, उमेदवारांनी प्रथम नाव, वडिलांचे नाव, जन्मतारीख आणि मोबाईल नंबर इत्यादी आवश्यक माहितीसह apprenticeshipindia.org वर नोंदणी करावी. त्यानंतर नोंदणी केल्यानंतर त्यांना नोंदणीकृत ईमेल आयडी / कोड आणि पासवर्डद्वारे लॉगिन करावे लागेल आणि अर्ज प्रक्रिया पूर्ण करावी लागेल. यासाठी उमेदवारांना १०० रुपये अर्ज शुल्कही भरावे लागेल. अधिक तपशीलांसाठी अधिकृत वेबसाइट तपासा.
