नॅशनल इन्स्टिटय़ूट ऑफ होमिओपॅथीचा पदवी अभ्यासक्रम

नॅशनल इन्स्टिटय़ूट ऑफ होमिओपॅथी, कोलकाता येथे उपलब्ध असणाऱ्या होमिओपॅथीमधील साडेपाच वर्षांच्या पदवी अभ्यासक्रमात प्रवेश देण्यासाठी घेण्यात येणाऱ्या निवड पात्रता परीक्षेसाठी खाली नमूद केल्याप्रमाणे पात्रताधारक उमेदवारांकडून प्रवेश अर्ज मागविण्यात येत आहेत-
जागांची संख्या : या प्रवेश पात्रता परीक्षेद्वारा निवड करण्यात येणाऱ्या जागांची संख्या ९३ आहे.
आवश्यक शैक्षणिक पात्रता : अर्जदार विद्यार्थ्यांनी १०+२ शैक्षणिक अभ्यासक्रमांतर्गत बारावीची परीक्षा भौतिकशास्त्र, रसायनशास्त्र, वनस्पतिशास्त्र व इंग्रजी या विषयांसह व कमीत कमी ५०% गुणांसह (राखीव गटातील विद्यार्थ्यांसाठी ४५%) उत्तीर्ण केलेली असावी.
वयोगट : अर्जदारांचे वय १७ ते २५ वर्षांच्या दरम्यान असावे.
निवड पद्धती : अर्जदारांपैकी पात्रताधारक उमेदवारांना लेखी निवड परीक्षेसाठी बोलाविण्यात येईल. ही निवड परीक्षा देशांतर्गत निवडक परीक्षा केंद्रांवर १६ जून २०१४ रोजी घेण्यात येईल व त्यामध्ये मुंबई केंद्राचा समावेश असेल.
अर्जदारांची बारावीच्या परीक्षेतील गुणांची टक्केवारी व प्रवेश पात्रता परीक्षेतील गुणांकाच्या आधारे त्यांना या अभ्यासक्रमात प्रवेश देण्यात येईल.
अर्जासह पाठवायचे शुल्क : अर्जासह पाठवायचे शुल्क म्हणून ५०० रु.चा डायरेक्टर, नॅशनल इन्स्टिटय़ूट ऑफ होमिओपॅथीच्या नावे असणारा व कोलकाता येथे देय असलेला डिमांड ड्राफ्ट पाठवणे आवश्यक आहे.
अधिक माहिती व तपशील : अभ्यासक्रमाच्या संदर्भात अधिक माहिती व तपशिलासाठी ‘एम्प्लॉयमेंट न्यूज’च्या १२ ते १८ एप्रिल २०१४ च्या अंकात प्रकाशित झालेली नॅशनल इन्स्टिटय़ूट ऑफ होमिओपॅथीची जाहिरात पाहावी अथवा इन्स्टिटय़ूटच्या   http://www.nih.nic.in या संकेतस्थळाला भेट द्यावी.
अर्ज पाठविण्याचा पत्ता व शेवटची तारीख : विहित नमुन्यातील संपूर्णपणे भरलेले व आवश्यक त्या कागदपत्रांसह असणारे प्रवेश अर्ज डायरेक्टर, नॅशनल इन्स्टिटय़ूट ऑफ होमिओपॅथी, ब्लॉक- जीई, सेक्टर-३, साल्ट लेक, कोलकाता- ७००१०६ या पत्त्यावर १२ मे २०१४ पर्यंत पोहोचतील अशा बेताने पाठवावेत.