स्पर्धा परीक्षांमध्ये यश मिळविण्यासाठी सातत्य महत्त्वाचे आहे. यामुळे स्पर्धा परीक्षांमध्ये यश मिळविण्यासाठीची तयारी विद्यार्थ्यांनी दहावीपासून करायला हवी. स्पर्धा परीक्षांमध्ये विविध प्रवर्गातील सुमारे ६४ प्रकारच्या परीक्षा असतात. त्यामुळे विद्यार्थ्यांनी कोणती परीक्षा द्यायची आहे हे ठरविल्यास अभ्यासाची दिशा निवडणे सोपे जाईल. या परीक्षा देण्यासाठीची पहिली पायरी म्हणजे विद्यार्थ्यांनी त्यांच्या सामान्य ज्ञानात वाढ करावी. याकरिता विद्यार्थ्यांनी दररोज विविध भाषेतील वर्तमानपत्र वाचायला हवीत. यातून जगभरात घडणाऱ्या घडामोडींची माहिती मिळण्यास मोठी मदत होते. तसेच आपला शब्दसंग्रह वाढविण्यासाठी आणि वाक्यरचना समजावून घेण्यासाठी वर्तमानपत्रांमध्ये छापून येणारे अग्रलेख विद्यार्थ्यांनी आवर्जून वाचायला हवे. वर्तमानपत्राबरोबरच विद्यार्थ्यांनी विविध विषयांवरील वाचन वाढवायला हवे. सर्वव्यापी वाचनामुळे सामान्य ज्ञानात आपोआप भर पडते.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
