Bank of Maharashtra Recruitment 2025: बँकेत काम करण्याची इच्छा असणाऱ्यांसाठी एक चांगली संधी उपलब्ध झाली आहे. ती म्हणजे बँक ऑफ महाराष्ट्र अंतर्गत १७२ रिक्त जागा भरण्यासाठी नवीन भरती जाहीर करण्यात आली आहे. नोकरीच्या शोधात असणाऱ्यांनी अजिबातच वेळ वाया न घालता या भरती प्रक्रियेच्या तयारीला लागावे. ही एकप्रकारची मेगा भरती किंवा बंपर भरतीच म्हणावी लागेल. या भरती प्रक्रियेसाठी वयाची आणि शिक्षणाची अट ही लागू करण्यात आलीये. चला तर मग या भरती प्रक्रियेबद्दल अधिक माहिती आणि अर्ज करण्याची सोपी प्रक्रिया जाणून घेऊयात.
बँक ऑफ महाराष्ट्रने विविध स्केल II, III, IV, V, VI, आणि VII अंतर्गत स्पेशलिस्ट ऑफिसरच्या पदांसाठी भरती अधिसूचना प्रसिद्ध केली आहे. तुमचीही या पदांशी संबंधित पात्रता असल्यास, तुम्ही bankofmaharashtra.in या अधिकृत वेबसाइटला भेट देऊन अर्ज करू शकता. या पदांसाठी अर्ज प्रक्रिया सुरू झाली आहे.
या भरतीतून एकूण १७२ पदे भरायची आहेत. यामध्ये जनरल मॅनेजर, डेप्युटी जनरल मॅनेजर, असिस्टंट जनरल मॅनेजर, सीनियर मॅनेजर आणि मॅनेजर या पदांचा समावेश आहे. या पदांसाठी अर्ज करण्याची अंतिम तारीख १७ फेब्रुवारी आहे. उमेदवारांनी बँकेच्या वेबसाइटला भेट देऊन तपशीलवार सूचना वाचा आणि अर्जाशी संबंधित सर्व मार्गदर्शक तत्त्वांचे पालन करावे.
पात्रता
शैक्षणिक पात्रता: उमेदवारांनी संबंधित क्षेत्रातील पदव्युत्तर पदवीसह किमान बीटेक किंवा बीई पूर्ण केलेले असावे. परीक्षेसाठी नोंदणी करण्यापूर्वी अधिकृत अधिसूचनेतून ज्या पदासाठी ते अर्ज करू इच्छितात त्या पदासाठीचे शैक्षणिक निकष तपासले पाहिजेत.
वयोमर्यादा: पदावर अवलंबून उमेदवारांचे वय २२ ते ५५ वर्षांच्या दरम्यान असावे. राखीव प्रवर्गातील उमेदवारांना वयात सवलत दिली जाते. “पात्रता निकष (वय, पात्रता, कामाचा अनुभव) आणि इतर तपशीलांसाठी कट-ऑफ तारीख ३१.१२.२०२४ आहे,” अधिकृत सूचना सांगते.
Bank of Maharashtra Recruitment 2025: अर्ज शुल्क
सामान्य/EWS/OBC श्रेणींसाठी अर्ज शुल्क – रु ११८० (18% GST सह)
SC/ST/PwBD श्रेणींसाठी अर्ज शुल्क – रु ११८ (18% GST सह)
Bank of Maharashtra Recruitment 2025: निवड प्रक्रिया
या पदांसाठी उमेदवारांची अंतिम निवड मुलाखतीत मिळालेल्या गुणांवर आधारित असेल. एकूण १०० गुणांपैकी, सामान्य श्रेणीतील उमेदवारांनी किमान ५० गुण आणि SC/ST/PWD उमेदवारांनी किमान ४५ गुण प्राप्त केले पाहिजेत.
Bank of Maharashtra Recruitment 2025: अर्ज कसा करावा?
- अधिकृत वेबसाइटला भेट द्या
- भर्ती लिंकवर क्लिक करा आणि स्वतःची नोंदणी करा
- अर्ज भरा
- आवश्यक कागदपत्रे अपलोड करा आणि अर्ज फी भरा
- फॉर्म सबमिट करा.
उमेदवारांनी भरती प्रक्रियेसाठी अर्ज करण्याआधी अधिसूचना ही व्यवस्थित वाचून घ्यावी आणि मगच अर्ज करावा.एकदा जमा केलेले अर्ज मागे घेण्याची परवानगी दिली जाणार नाही आणि एकदा भरलेले शुल्क परत केले जाणार नाही. अधिक संबंधित तपशीलांसाठी उमेदवार बँक ऑफ महाराष्ट्रची अधिकृत वेबसाइट पाहू शकतात.
