पदवीधारकांसाठी आनंदाची बातमी! सेंट्रल बॅंकेमध्ये ५००० जागांसाठी सुरु झालीये मेगा भरती; जाणून घ्या अर्ज करण्यासाठीचे निकष

शैक्षणिक पात्रता आणि वयाची अट

सेंट्रल बॅंक ऑफ इंडियाद्वारे आयोजित केलेल्या या भरतीसाठी अर्ज करण्याची इच्छा असलेल्या उमेदवाराकडे कोणत्याही मान्यताप्राप्त विद्यापिठातून पदवी असणे आवश्यक आहे. भरतीसाठी उमेदवाराचे वय २० ते २८ वर्ष असायला हवे. पात्रता व निकषाशी निगडीत सविस्तर माहिती मिळवण्यासाठी उमेदवार वेबसाइटची मदत घेऊ शकतात.

किती पगार मिळणार?

ही भरती देश पातळीवर आयोजित केली जाणार आहे. व्यक्तीच्या निवड कोणत्या पदासाठी झाली आहे यावरुन त्याच्या वेतनासंबंधित निर्णय घेतले जातील. ग्रामीण व निमशहरी भागांमध्ये नोकरी करणाऱ्यांना प्राथमिक १०,००० रुपये मासिक वेतन दिले जाईल. शहरी भागातील नोकरदारांना १५,००० रुपये पगार असेल. मेट्रो ब्रांचमधील लोकांना एका महिन्याला २०,००० रुपये पगार मिळेल.

आणखी वाचा – Rural Electrification Corporation Limited मध्ये होतेय भरती; ‘ही’ आहे या अर्ज करायची शेवटची तारीख

निवड प्रक्रियेची माहिती

अर्ज केल्यानंतर भरतीच्या प्रक्रियेला खऱ्या सुरुवात होईल. ही निवड प्रक्रिया लेखी परीक्षा आणि मुलाखत यांमध्ये विभागली आहे. भरतीसाठी अर्ज केलेल्या प्रत्येक उमेदवाराला प्रथम लेखी परीक्षा द्यावी लागेल. पुढे परीक्षेमध्ये पास झालेल्या उमेदवारांची मुलाखती घेतल्या जातील. त्यातून त्यांची निवड केली जाईल.

आरक्षित वर्गातील उमेदवार आणि महिला उमेदवार यांना भरती प्रक्रियेमध्ये सहभाग घेण्यासाठी अर्जासह ६०० रुपये भरावे लागतील. तर पीडब्लूबीडी उमेदवारांकडून यासाठी ४०० रुपये आकारले जातील. अन्य सर्व उमेदवारांना अर्ज करण्याकरिता ८०० रुपये प्रवेश शुल्क म्हणून भरावे लागतील.