प्रवेशाची पायरी : ‘एमबीए’साठी ‘सीमॅट सीईटी’

या परीक्षेच्या निकालानंतर या परीक्षेतील मार्कांवर विद्यार्थ्यांना संस्था स्तरावर ग्रुप डिस्कशन आणि वैयक्तिक मुलाखत याला सामोरे जावे लागते व त्यातून संस्था स्तरावर अंतिम निवड होते

Written by विवेक वेलणकर

December 3, 2024 20:23 IST

cmat and cet exam mandatory for the mba aspirants

प्रातिनिधिक फोटो लोकसत्ता

कोणत्याही शाखेतील पदवीनंतर एमबीए करण्याकडे विद्यार्थ्यांचा ओढा आहे. देशभरातील अडीचशेहून अधिक संस्थांमध्ये प्रवेशासाठी CMAT सीईटी परीक्षा घेतली जाते. मुंबई, पुणे,नाशिक, नागपूर, अहमदनगर, अमरावती, छत्रपती संभाजीनगर, जळगाव , कोल्हापूर , नांदेड, सोलापूर, यवतमाळ, ठाणेसह शंभरहून अधिक शहरांमध्ये ही परीक्षा यंदा २५ जानेवारी २०२५ रोजी घेतली जाईल. परीक्षा कॉम्प्युटर बेस्ड असेल. तीन तासांच्या या परीक्षेत पाच सेक्शन्स असतील. पहिला सेक्शन क्वांटिटेटिव्ह टेक्निक व डाटा इंटरप्रिटेशनवर असेल ज्यामध्ये २० प्रश्न असतील. दुसरा सेक्शन लॉजिकल रिझनिंगवर असेल ज्यामध्ये २० प्रश्न असतील तर तिसरा सेक्शन लँग्वेज कॉम्प्रिहेन्शनवर असेल ज्यामध्ये २० प्रश्न असतील. चौथा सेक्शन जनरल नॉलेजचा असेल ज्यामध्ये २० प्रश्न असतील. पाचवा सेक्शन इनोव्हेशन आणि एंटरप्रेन्युअरशिपवर असेल ज्यामध्ये २० प्रश्न असतील. या पाचही सेक्शनमधील प्रत्येक सेक्शन ८० मार्कांचा असेल. प्रत्येक बरोबर उत्तराला ४ गुण मिळतील तर चुकीच्या उत्तरासाठी एक गुण वजा केला जाईल. काठीण्य पातळीवर ‘कॅट’ परीक्षेखालोखाल ही परीक्षा असून उत्तम यशासाठी कठोर परिश्रम आणि कसून सराव आवश्यक आहे. या परीक्षेच्या निकालानंतर या परीक्षेतील मार्कांवर विद्यार्थ्यांना संस्था स्तरावर ग्रुप डिस्कशन आणि वैयक्तिक मुलाखत याला सामोरे जावे लागते व त्यातून संस्था स्तरावर अंतिम निवड होते. ग्रुप डिस्कशन आणि वैयक्तिक मुलाखत यासाठी विद्यार्थ्यांना इंग्रजी कम्युनिकेशन स्किल्स आत्मसात करणे आवश्यक आहे. या परीक्षेसाठीचे अर्ज ऑनलाइन पद्धतीने https://exams.nta.ac.in/CMAT या संकेतस्थळावर १३ डिसेंबरपर्यंत भरता येतील.

हेही वाचा >>> Success Story : सायकलवरून पदार्थ विकून सुरू केला व्यवसाय अन् उभी केली तब्बल ५,५३९ कोटींची कंपनी

आणखी वाचा

Who will be the Chief Minister Vidhan sabha election 2024

“कोण होणार मुख्यमंत्री?” शिंदे की फणडवीस? कोणाचा पक्ष मारणार बाजी? ज्योतिषतज्ज्ञांनी सांगितली भविष्यवाणी

Ladki Bahin Yojna Sudhir Mungantiwar 2100 rs Installment

Ladki Bahin Yojna : लाडक्या बहिणींना २१०० रुपयांसाठी…

What is NOTA in Elections and What Happens When NOTA gets Most Votes

NOTA in Elections : NOTA खरंच महत्त्वाचे आहे का? सर्वाधिक मते नोटाला मिळाले तर काय होईल?

एमबीए करू इच्छिणाऱ्या विद्यार्थ्यांनी लक्षात घेण्याच्या महत्त्वाच्या गोष्टी:

● अशा एमबीए संस्थेमध्ये प्रवेश मिळवला पाहिजे की ज्यांच्याकडे भरपूर कंपन्या कॅम्पस प्लेसमेंटसाठी येतात. गेल्या ४-५ वर्षांचे प्लेसमेंट रेकॉर्ड उत्तम आहे.

● यामध्ये किती टक्के विद्यार्थ्यांना प्लेसमेंट मिळाली याबरोबरच कमीतकमी पगार / सरासरी पगार / जास्तीतजास्त पगार यांची माहिती मिळवणे गरजेचे आहे.

● अशा एमबीए संस्थांमध्ये प्रवेश हवा असेल तर एमबीए प्रवेश परीक्षेत आणि त्यानंतर घेतल्या जाणाऱ्या ग्रुप डिस्कशन आणि वैयक्तिक मुलाखत यामध्ये उत्तम कामगिरी करणे अत्यावश्यक आहे.

● यासाठीची तयारी तातडीने सुरू करणे आवश्यक आहे.

मराठीतील सर्व करिअर बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Cmat and cet exam mandatory for the mba aspirants zws