How To Practise Mock Tests To Crack SBI PO & Clerk Exam : स्टेट बँक ऑफ इंडिया अर्थात एसबीआयने काही दिवसांपूर्वी एसबीआय क्लर्क आणि एसबीआय प्रोबेशनरी ऑफिसर पदासाठी परीक्षेची तयारी जाहीर केली आहे. अधिकृत अधिसूचनेनुसार एसबीआय क्लर्क किंवा लिपिक (SBI Clerk) पदासाठी परीक्षा फेब्रुवारी, तर एसबीआय प्रोबेशनरी ऑफिसर (SBI PO) पदासाठी परीक्षा ८ मार्च ते १५ मार्चदरम्यान घेतली जाणार आहे. स्टेट बँक ऑफ इंडिया अर्थात एसबीआयमध्ये क्लर्क आणि पीओ व्हायचे असेल तर आजपासूनच परीक्षेच्या तयारीला लागा.
तर या परीक्षेसाठी तयारी करण्यासाठी सगळ्यात बेस्ट मार्ग म्हणजे मॉक टेस्ट (Mock Tests). मॉक टेस्टमुळे तुमच्यात दिलेल्या मुदतीत जास्तीत जास्त प्रश्न सोडवण्याचा प्रयत्न, परीक्षेसाठी आत्मविश्वास, तुमची कौशल्ये सुधारण्यात तुम्हाला मदत होईल.
मॉक टेस्ट (Mock Tests) देणे का महत्त्वाचे आहे?
एसबीआय क्लर्क आणि एसबीआय पीओ परीक्षांसाठी मॉक टेस्ट हा सराव करण्याचा उत्तम मार्ग आहे. कारण मॉक टेस्ट खऱ्या-खुऱ्या (वास्तविक) परीक्षांसारखेच असतात, जे तुम्हाला प्रश्नांचे प्रकार, परीक्षेची रचना आणि तुम्ही प्रत्येक विभागासाठी (सेक्शन) किती वेळ द्यायला पाहिजे याची सवय करून घेण्यास मदत करतात. मॉक चाचण्यांचा नियमित सराव केल्याने तुम्हाला अधिक आत्मविश्वास वाढण्यास आणि तुमची कौशल्ये सुधारण्यास मदत होईल.
एसबीआय क्लर्कसाठी मॉक टेस्टचा (Mock Tests) सराव केल्याने तुम्हाला वेग जाणून घेण्यात मदत होईल. परीक्षेमध्ये क्वांटिटेटिव्ह ॲप्टिट्यूड, रिझनिंग क्षमता आणि इंग्रजी भाषा यांसारख्या विभागांचा समावेश असल्याने, मॉक टेस्ट तुम्हाला या सर्व क्षेत्रातील प्रश्नांची उत्तरे देण्याचा सराव करून घेते. याचबरोबर ही टेस्ट तुम्हाला कुठे सुधारण्याची गरज आहे हे पाहण्यातदेखील मदत करेल. जसे की तर्कसंगत (puzzles) पद्धतीने कोडी सोडवणे आणि रिझनिंगमध्ये बसण्याची व्यवस्था करणे किंवा क्वांटिटेटिव्ह ॲप्टिट्यूडमध्ये जलद गणना करणे.
एसबीआय पीओसाठी मॉक चाचणी मालिका वेग वाढवण्यासाठी महत्त्वाची आहे. विशेषत: परीक्षेत अडचण असल्याने मॉक चाचण्या तुम्हाला डेटा इंटरप्रिटेशन प्रश्न, लॉजिकल रेअसोनिंग समस्या आणि केसलेट सोडवण्याचा सराव करण्यास उपयोगी आणि परीक्षेदरम्यान वेळेचे व्यवस्थापन करण्यातदेखील मदत करतील. परीक्षेतील सर्व सेक्शन तुम्ही आत्मविश्वासाने सोडवू शकता, याची खात्री करून देण्यास मदत करतात.
एसबीआय क्लर्क आणि एसबीआय पीओ परीक्षेसाठी आतापासून मॉक टेस्ट देणे ही एक चांगली कल्पना आहे. जसजशी परीक्षा जवळ येईल तसे दिवसातून एक ते दोन वेळा मॉक टेस्ट द्यायला सुरुवात करा. जेणेकरून तुमच्यावर परीक्षेचा ताण येणार नाही आणि परीक्षा सोडवण्याची स्टॅमिना (ऊर्जा) तुमच्यात राहील. तुमच्या अभ्यास योजनेमध्ये मॉक चाचण्यांचा समावेश केल्याने तुम्हाला तुमच्या परीक्षेची रणनीती सुधारण्यास, तुमचा वेग वाढवण्यात, लिपिक आणि पीओ परीक्षांसाठी चांगली तयारी करण्यास मदत होईल.
तुमच्या फायद्यासाठी मॉक टेस्टचा ( Mock Tests) कसा उपयोग कराल?
रिव्ह्यू युअर रिझल्ट (Review Your Results) : मॉक टेस्ट दिल्यावर तुमच्या चुका समजून घ्या. म्हणजे पुढच्या वेळी तुमच्याकडून तीच चूक होणार नाही याची काळजी घ्या
वेळेचे व्यवस्थापन करा (Improve Time Management) : दोन्ही परीक्षांमध्ये पास होण्यासाठी वेळेचे व्यवस्थापन करणे महत्त्वाचे आहे. तुम्हाला एका प्रश्नाला किती वेळ खर्च करायचा आहे, यासाठी मॉक टेस्ट तुम्हाला मदत करेल.
तुमचे स्कोअर ट्रॅक करा (Track Your Progress) : मॉक टेस्ट दिल्यानंतर तुमच्यात किती सुधारणा झाली आहे किंवा तुम्ही कोणत्या विषयात मागे आहात हे पाहण्यासाठी नेहमी तुमचा स्कोअर लक्षात ठेवा.
खऱ्या-खुऱ्या परीक्षेसारखी टेस्ट द्या (Replicate Exam Conditions) : वास्तविक परीक्षेसारख्या वातावरणात मॉक टेस्ट घ्या. टायमर सेट करा, विचलित होऊ नका आणि आवाज नसलेल्या खोलीत किंवा लायब्ररीमध्ये मॉक टेस्ट करण्याचा प्रयत्न करा. हे तुम्हाला परीक्षेसाठी आवश्यक असलेले वातावरण निर्माण करण्यात मदत होईल.
© IE Online Media Services (P) Ltd