IBPS Clerk Recruitment 2024 : इन्स्टिट्यूट ऑफ बँकिंग पर्सनल सिलेक्शन (The Institute of Banking Personnel Selection) म्हणजेच आयबीपीएस (IBPS)ने CRP लिपीक XIV साठी अधिसूचना प्रसिद्ध केली आहे. BPS ने भारतातील ११ सार्वजनिक क्षेत्रांतील बँकांमध्ये २०२५-२६ या वर्षासाठी एकूण ६,१२८ रिक्त जागांसाठी ही भरती आयोजित केली आहे. अर्ज प्रक्रिया १ जुलैपासून सुरू झाली असून, इच्छुक व पात्र उमेदवार https://ibps.in/ या वेबसाइटवरून ऑनलाइन पद्धतीने २१ जुलै २०२४ पर्यंत अर्ज करू शकतात. तर या भरतीसाठी आवश्यक शैक्षणिक पात्रता, वयोमर्यदा, अर्ज शुल्क, अर्ज असा करायचा याबद्दल सविस्तर जाणून घेऊ…
IBPS Clerk Recruitment 2024 : उमेदवाराची पात्रता –
अर्ज करणारा उमेदवार भारताचा नागरिक असावा.
IBPS Clerk Recruitment 2024 : पगार व शैक्षणिक पात्रता –
अर्ज करणाऱ्या उमेदवाराने पगार व शैक्षणिक पात्रता यांच्या माहितीसाठी अधिसूचना तपासून घ्यावी.
लिंक – https://www.ibps.in/wp-content/uploads/CRP_Clerks_XIV_Final_Notification_28.6.24.pdf
IBPS Clerk Recruitment 2024 : वयोमर्यादा –
अर्ज करणाऱ्या उमेदवाराचे वय २० ते २८ वर्षे यादरम्यान असावे.
IBPS Clerk Recruitment 2024 : अर्ज शुल्क –
एससी / एसटी / पीडब्ल्यूबीडी / डीईएसएम उमेदवारांसाठी १७५, तर इतर सर्व उमेदवारांसाठी ८५० रुपये (जीएसटीसह) अर्ज शुल्क असणार आहे.
IBPS Clerk Recruitment 2024 : अर्ज कसा कराल?
१. सर्वप्रथम IBPS च्या अधिकृत वेबसाइट ibps.in वर जा.
२. होम पेजवर तुम्हाला ‘CRP Clerks’ असा मजकूर लिहिलेला दिसेल.
३. नंतर ‘CRP- Clerks (CRP-Clerks-XIV)’साठी ऑनलाइन अर्ज करण्याकरिता तेथे दिलेल्या लिंकवर क्लिक करा.
४. अर्जाची नोंदणी करण्यासाठी तुम्हाला ‘क्लिक हिअर फॉर न्यू रजिस्ट्रेशन’वर क्लिक करावे लागेल.
५. उमेदवारांनी स्क्रीनवर दिसणारा नोंदणी क्रमांक व पासवर्ड लक्षात ठेवावा. तात्पुरती नोंदणी क्रमांक व पासवर्ड दर्शविणारा ईमेल आणि एसएमएसदेखील पाठविला जाईल.
६. डॉक्युमेंट्स अपलोड करा – फोटो, स्वाक्षरी, डाव्या अंगठ्याचा ठसा आदी.
७. नोंदणी प्रक्रियेदरम्यान उमेदवारांना वेबकॅम किंवा मोबाईल फोनद्वारे त्यांचे फोटो काढून अपलोड करणे आवश्यक आहे.
८. उमेदवारांनी ऑनलाइन अर्ज काळजीपूर्वक भरावा. कारण- ऑनलाइन अर्जामध्ये भरलेल्या कोणत्याही डेटामध्ये नंतर बदल करता येणार नाही.
९. ऑनलाइन अर्ज सबमिट करण्यापूर्वी, उमेदवारांनी ऑनलाइन अर्जातील ॲप्लिकेशनची पडताळणी करण्यासातठी “सेव्ह आणि नेक्स्ट” सुविधेचा वापर करावा.
१०. त्यानंतर उमेदवार डेबिट कार्ड, क्रेडिट कार्ड, इंटरनेट बँकिंग, IMPS, कॅश कार्ड्स/मोबाइल वॉलेट्स/UPI वापरून अर्ज शुल्क भरावे.
व्यवहार यशस्वीरीत्या पूर्ण झाल्यावर, एक ई-पावती तयार होईल.
११. त्यानंतर उमेदवारांनी ई-पावती व ऑनलाइन अर्जाची प्रिंटआउट प्रत घेऊन ठेवावी
