न्यू इंडिया एश्योरन्स कंपनी लिमिटेड ( NIACL) (भारत सरकारचा उपक्रम), मुंबई. १७० अॅडमिनिस्ट्रेटिव्ह ऑफिसर्स (जनरालिस्ट्स अँड स्पेशालिस्ट्स) (स्केल- I) पदांची भरती. (Advt. No. CORP. HRM/ AO/ 2024 dtd. 6th September 2024) रिक्त पदांचा तपशील - (एकूण पदांपैकी १५ टक्के पदे अजा, ७.५ टक्के पदे अज, २७ टक्के पदे इमाव, १० टक्के पदे ईडब्ल्यूएस्साठी राखीव) (१) अॅडमिनिस्ट्रेटिव्ह ऑफिसर (जनरालिस्ट) - १२० पदे (९ पदे दिव्यांग (कॅटेगरी HI - २, VI - २, OC - १, ID/ MD - ४) उमेदवारांसाठी राखीव.) (२) AO (अकाऊंट्स) - ५० पदे (४ पदे दिव्यांग (कॅटेगरी HI - १, VI - १, OC - १, ID/ MD - १) साठी राखीव). पद क्र. १ व २ साठी पात्रता : चार्टर्ड अकाऊंटंट (ICAI)/कॉस्ट अँड मॅनेजमेंट अकाऊंटंट आणि पदवी/ पदव्युत्तर पदवी (कोणत्याही विषयातील) उत्तीर्ण. (अजा/ अज/ दिव्यांग - ५५ टक्के गुण) किंवा MBA (फिनान्स)/ PGDM (फिनान्स)/ एम.कॉम. उत्तीर्ण. पात्रता परीक्षा :(दि. १ सप्टेंबर २०२४ रोजी) किमान ६० टक्के गुणांसह उत्तीर्ण केलेली असावी. वयोमर्यादा : (दि. १ सप्टेंबर २०२४ रोजी) २१ ते ३० वर्षे. (उमेदवाराचा जन्म दि. २ सप्टेंबर १९९४ ते १ सप्टेंबर २००३ दरम्यानचा असावा.) (कमाल वयोमर्यादेत सूट इमाव - ३ वर्षे, अजा/अज - ५ वर्षे, दिव्यांग - १० वर्षे) वेतन : अंदाजे दरमहा वेतन रु. ८८,००० हेही वाचा : कॅनरा बँकेत नोकरीची सुवर्णसंधी! तब्बल तीन हजार जागांसाठी भरती; पदवीधर उमेदवार करू शकतात अर्ज, जाणून घ्या अर्जप्रक्रिया निवड पद्धती : फेज-१ प्रीलिमिनरी ऑनलाइन एक्झामिनेशन - (अंदाजे १३ ऑक्टोबर २०२४ रोजी) ऑब्जेक्टिव्ह टाईप १०० गुणांसाठी (इंग्लिश लँग्वेज - ३० गुण, रिझनिंग अॅबिलिटी - ३५ गुण, क्वांटिटेटिव्ह अॅप्टिट्यूड - ३५ प्रश्न, प्रत्येकी वेळ २० मिनिटे, एकूण वेळ १ तास.) फेज-२ मेन एक्झामिनेशन - (अंदाजे १७ नोव्हेंबर २०२४ रोजी) ऑब्जेक्टिव्ह टेस्ट २०० गुणांसाठी आणि डिस्क्रीप्टिव्ह टेस्ट ३० गुणांसाठी. दोन्ही टेस्ट ऑनलाइन पद्धतीने घेतल्या जातील. ऑब्जेक्टिव्ह टेस्ट : २०० गुण, वेळ २ तास ३० मिनिटे. (अॅडमिनिस्ट्रेटिव्ह ऑफिसर (जनरालिस्ट) पदांसाठी) (रिझनिंग - ५० गुण, वेळ ४० मिनिटे; इंग्लिश लँग्वेज - ५० गुण, वेळ ४० मिनिटे; जनरल अवेअरनेस - ५० गुण, वेळ ३० मिनिटे; क्वांटिटेटिव्ह अॅप्टिट्यूड - ५० गुण, वेळ ४० मिनिटे) अॅडमिनिस्ट्रेटिव्ह ऑफिसर स्पेशालिस्ट पदांसाठी (रिझनिंग ४० गुण, वेळ ३० मिनिटे, इंग्लिश लँग्वेज - ४० गुण, ३० मिनिटे, जनरल अवेअरनेस - ४० गुण, २५ मिनिटे, क्वांटिटेटिव्ह अॅप्टिट्यूड - ४० गुण, ३० मिनिटे, नॉलेज ऑफ स्पेशालिस्ट स्ट्रीम - ४० गुण, ३५ मिनिटे) डिस्क्रीप्टिव्ह टेस्टचा कालावधी ३० मिनिटे. गुण - ३०. टेस्ट ऑफ इंग्लिश लँग्वेज. (लेटर रायटींग - १० गुण, निबंध लेखन - २० गुण) ऑब्जेक्टिव्ह टाईप पेपरमध्ये प्रत्येक चुकीच्या उत्तरासाठी प्रश्नास असलेल्या गुणांच्या १/४ गुण वजा केले जातील. फेज-३ इंटरव्ह्यू : मुख्य परीक्षेतून उमेदवार इंटरव्ह्यूसाठी शॉर्ट लिस्ट केले जातील. अंतिम निवड : मुख्य परीक्षा लेखी ऑब्जेक्टिव्हसाठी ७५ गुणांचे वेटेज आणि इंटरव्ह्यूसाठी २५ गुणांचे वेटेज देऊन एकत्रित गुणांच्या आधारे अंतिम निवड केली जाईल. फेज-१ पूर्व परीक्षा केंद्र : महाराष्ट्रातील अमरावती, औरंगाबाद, चंद्रपूर, धुळे, जळगाव, कोल्हापूर, लातूर, मुंबई/ नवी मुंबई/ ठाणे/ MMR, नागपूर, नांदेड, नाशिक, पुणे, रत्नागिरी. फेज-२ मुख्य परीक्षेसाठी केंद्र : महाराष्ट्रातील मुंबई/ ठाणे/ नवी मुंबई/ MMR, पुणे. ऑनलाइन प्री-एक्झामिनेशन ट्रेनिंग : अजा/ अज/ इमाव/ दिव्यांग उमेदवारांना प्री-एक्झामिनेशन ट्रेनिंगकरिता ऑनलाइन अर्ज करताना तशी नोंद करावी लागेल. प्रोबेशन कालावधी १ वर्षाचा असेल जो आणखी ६/६ महिन्यांसाठी २ वेळा वाढविला जाऊ शकतो. अर्जाचे शुल्क : अजा/अज/दिव्यांग रु. १००/-, इतर उमेदवारांना रु. ८५० उमेदवार फक्त एका डिसिप्लिनसाठी अर्ज करू शकतात. ऑनलाइन अॅप्लिकेशन रजिस्ट्रेशन http:// newindia. co. in या संकेतस्थळावर दि. १० सप्टेंबर ते २९ सप्टेंबर २०२४ दरम्यान करावेत.