महाराष्ट्र राज्यातील २३ जिल्हा समादेशक, होमगार्ड यांच्या कार्यालयांतर्गत होमगार्ड नोंदणीचे आयोजन केले आहे. याविषयीची विस्तृत माहिती https:// maharashtracdhg. gov. in/ mahahg/ login1. php https:// maharashtracdhg. gov. in/ mahahg/ enrollmentform. php या संकेतस्थळावर उपलब्ध आहे.
होमगार्ड संघटनेचे उद्दिष्ट : देशातील जास्तीत जास्त नागरिकांना सैनिकी, तसेच आपत्कालीन मदतकार्याचे, कायदा व सुव्यवस्था सुरळीत राखण्याचे प्रशिक्षण देवून जबाबदार व शिस्तप्रिय नागरिक घडविणे.
होमगार्ड सदस्यत्व : महाराष्ट्रातील होमगार्ड संघटना ही शासन संचालित पूर्णत: मानसेवी तत्त्वावर आधारित आहे. या संघटनेचे सदस्य होणे म्हणजे कोणत्याही प्रकारची नोकरी अथवा रोजगार नाही. हे सदस्यत्व ३ वर्षांकरिता दिले जात असून आपण संघटनेसाठी दिलेल्या सेवेच्या गुणवत्तेवर पुढे ३-३ वर्षांच्या टप्प्याने वयाच्या ५८ वर्षांपर्यंत पुन: नोंदणीकृत करता येते.
होमगार्ड सदस्यांचे कर्तव्य : होमगार्ड सदस्यांना दररोज कर्तव्य दिले जात नाही. पोलीस दलाच्या मागणीप्रमाणे कायदा व सुव्यवस्था राखणे कामी पोलीस दलासोबत बंदोबस्त कर्तव्य, आपत्कालीन परिस्थितीमध्ये अग्निशमन, विमोचन, पूरविमोचन तसेच रोगराई/महामारी काळात, संपकाळात प्रशासनास मदतकार्य.
होमागार्डना देय भत्ते : बंदोबस्त काळात प्रतिदिन रु. ५७०/- कर्तव्य भत्ता व रु. १००/- आहार भत्ता. प्रशिक्षण काळात रु. ३५/- खिसाभत्ता व रु. १००/- भोजनभत्ता व साप्ताहिक कवायतींसाठी रु. ९०/- कवायत भत्ता दिला जातो.
होमगार्ड सदस्यत्वाचे फायदे :
(१) सैनिकी गणवेश परिधान करणेचा मान व विनाशुल्क सैनिक प्रशिक्षण.
(२) ३ वर्ष सेवा पूर्ण होमगार्डला राज्य पोलीस दल, वनविभाग, अग्निशमन दलामध्ये ५ आरक्षण.
(३) प्रथमोपचार, अग्निशमन, विमोचन यासारख्या विषयांचे प्रशिक्षण घेण्याची संधी.
(४) गौरवास्पद कामगिरी केल्यास विविध पुरस्कार/पदके मिळविण्याची संधी.
(५) स्वत:चा व्यवसाय/शेती इ. सांभाळत देशसेवा करण्याची संधी.
(उर्वरीत मजकूर उद्याच्या अंकात)
