लाखो विद्यार्थ्यांपैकी काहीच JEE पास होऊन भारतातील प्रतिष्ठित IIT संस्थांमध्ये प्रवेश घेतात. परंतु, काही विद्यार्थी त्यांच्या कष्ट, समर्पण आणि IIT नंतर मिळवलेल्या यशामुळे इतरांसाठी आदर्श आणि प्रेरणा बनतात. कंदर्प खंडवाला हा अशाच एका विद्यार्थ्यांपैकी आहे ज्याने केवळ कठोर मेहनत आणि निर्धाराने आपलं असंच नशीब घडवलं.
मुंबईचा रहिवासी असलेल्या कंदर्पने JEE मध्ये १३वा रॅंक मिळवला आणि IIT बॉम्बे मध्ये प्रवेश घेतला. तो एक हुशार विद्यार्थी होता आणि त्याने आपल्या शहरात दहावीची CBSE बोर्ड परीक्षा ९८.६ टक्के गुणांसह उत्तीर्ण केली होती. कंदर्पचा उद्देश २०११ च्या JEE मध्ये टॉप १० विद्यार्थ्यांमध्ये स्थान मिळवण्याचा होता, परंतु त्याने तेरावे स्थान मिळवले.
IIT बॉम्बे येथून पदवी
JEE पास केल्यानंतर, कंदर्पला IIT बॉम्बे मध्ये प्रवेश मिळाला. त्याने कंप्युटर सायन्स आणि इंजिनीअरिंग मध्ये B.Tech केलं आणि नंतर UC San Diego येथून ह्यूमन-कंप्युटर इंटरॅक्शनमध्ये (Human-Computer Interaction) मास्टर ऑफ सायंस (Master of Science- M.S.) पूर्ण केलं. कंप्युटर सायन्समध्ये त्याची आवड होती आणि जरी त्याचे दोन्ही पालक वैद्यकीय क्षेत्रात असले तरी त्याने JEE च्या तयारीवर पूर्णपणे लक्ष केंद्रित केले.
हेही वाचा… शहीद झालेल्या भावामुळे मिळाली प्रेरणा, चहा विक्रेत्याचा मुलगा झाला IAS, वाचा कसा पार केला टप्पा
चॅन झुकरबर्ग उपक्रम
सध्या कंदर्प चॅन झुकरबर्ग उपक्रमाशी संबंधित आहे. हेच ते ठिकाण आहे जिथे त्याने सायन्स आणि इमेजिंगमध्ये सीनियर UX रिसर्चर म्हणून काम केलं. कंदर्पने आपली करिअरची सुरूवात Google मध्ये UX रिसर्चर म्हणून इंटर्न म्हणून केली आणि नंतर MathWorks मध्ये काम केलं. MathWorksमध्ये त्याची भूमिका होती MATLAB साठी यूझर रिसर्च आणि डिझाइन करणे, हे वैज्ञानिक आणि अभियंते वापरत असलेले एक सॉफ्टवेअर प्लॅटफॉर्म आहे.
कंदर्प खंडवालाची शाळेत उत्तीर्ण होण्यापासून ते अत्याधुनिक संशोधनात करिअर घडवण्यापर्यंतचा हा प्रवास एक उदाहरण आहे, जे दाखवते की आपल्या स्वप्नांचा पाठपुरावा करण्यासाठी ठराविक निर्धार आणि लक्ष केंद्रित करणे किती महत्त्वाचे आहे.
© IE Online Media Services (P) Ltd