Ministry of Defence Recruitment 2023: केंद्रीय लोकसेवा आयोग (UPSC) ने संरक्षण नौदलाच्या एकात्मिक मुख्यालय मंत्रालय, नवी दिल्ली, संरक्षण मंत्रालय (MoD) येथे वरिष्ठ डिझाइन अधिकारी ग्रेड-I (इलेक्ट्रिकल) पदासाठी पात्र उमेदवारांकडून ऑनलाइन अर्ज मागवले आहेत. संरक्षण मंत्रालय भरतीबाबतची अधिकृत जाहिरात जारी केली आहे. त्यानुसारर, जनरल सेंट्रल सर्व्हिस ग्रुप ए राजपत्रित (नॉन-मिनिस्ट्रियल) वर्गीकरण अंतर्गत वरिष्ठ डिझाइन अधिकारी ग्रेड-I (इलेक्ट्रिकल) पदाच्या ५ रिक्त आहेत. यातील ३ जागा अनारक्षित श्रेणीतील उमेदवारांसाठी असणार आहेत. तर भरतीसाठीची शैक्षणिक पात्रता, वयोमर्यादा आणि अर्ज करण्याची शेवटची तारीख याबाबत माहिती जाणून घेऊया.
संरक्षण मंत्रालयातील सीनिअर डिझाईन ऑफिसर ग्रेड-I (इलेक्ट्रिकल) पदासाठी ऑनलाइन भरती अर्ज करण्याची शेवटची तारीख ३० मार्च २०२३ ही आहे. सीनिअर डिझाईन ऑफिसर ग्रेड-I (इलेक्ट्रिकल) पदावर नियुक्त झालेल्या उमेदवारांना वेतनश्रेणी स्तर – ११ नुसार पगार देण्यात येणार आहे. शिवाय, त्यांना केंद्र सरकारच्या ७ व्या वेतन आयोगातील सीपीसीतील मॅट्रिक्स एनपीएचा लाभही मिळणार आहे. त्यामुळे या उमेदवारांना ६७ हजार ७०० ते २ लाख ८७ हजार रुपये महिना इतका पगार मिळेल.
हेही वाचा- महावितरणमध्ये ‘या’ जागांसाठी भरती, १० वी पास असाल तर आजच करा अर्ज, जाणून घ्या सविस्तर
महत्वाच्या सूचना –
१ – UPSC मंत्रालयाने जारी केलेल्या २०२३ च्या अधिकृत अधिसूचनेनुसार, सर्व पात्र अर्जदारांनी जनरल सेंट्रल सर्व्हिस ग्रुप ‘A’ राजपत्रित (गैर- मिनिस्ट्रियल) या वर्गीकरणाअंतर्गत सीनिअर डिझाईन ऑफिसर ग्रेड-I (इलेक्ट्रिकल) पदांसंदर्भात ऑनलाइन अर्ज प्रक्रिया पूर्ण करणं गरजेचं आहे.
२ – सर्व इच्छुक उमेदवारांनी ORA प्रक्रिया पूर्ण करताना ऑनलाइन भरती अर्जांमध्ये किमान पात्रतेपेक्षा योग्य/संबंधित क्षेत्रातील अनुभव सादर करणे आवश्यक आहे.
हेही वाचा- तुम्हीही होऊ शकता सीबीआय अधिकारी? केंद्रीय अन्वेषण विभागाद्वारे भरतीची प्रक्रिया पाहा
अधिकचा तपशील जाणून घेण्यासाठी उमेदवारांनी संरक्षण मंत्रालय भरती २०२३ ची अधिसूचना देखील वाचली पाहिजे.
पोस्टचं नाव – संरक्षण मंत्रालयातील सीनिअर डिझाईन ऑफिसर ग्रेड-I (इलेक्ट्रिकल)
एकूण जागा – ५ पैकी ३ अनारक्षित श्रेणीतील उमेदवारांसाठी आहेत तर ५ रिक्त जागांवर निवडलेल्या उमेदवारांना कायमस्वरूपी नियुक्ती मिळेल.
पोस्ट क्लासिफिकेशन – जनरल सेंट्रल सर्व्हिस ग्रुप ‘अ’ राजपत्रित (नॉन-मिनिस्ट्रियल)
पोस्टिंगचं स्थान – संरक्षण मंत्रालय (नौदल) एकात्मिक मुख्यालय, नवी दिल्ली
पगार – ६७ हजार ७०० ते २ लाख ८७ हजार रुपये महिना.
वयोमर्यादा –
- अर्ज करण्याच्या शेवटच्या तारखेपर्यंत अनारक्षित श्रेणीतील अर्जदाराचं वय ४० वर्षांपेक्षा जास्त नसावे.
- भारत सरकारने जारी केलेल्या सूचनांनुसार केंद्र सरकार किंवा केंद्रशासित प्रदेशात सरकारी नोकरीत कार्यरत असणाऱ्या उमेदवारांच्या वयोमर्यादेत ५ वर्षांची सवलत असेल.
शैक्षणिक पात्रता –
कोणत्याही मान्यताप्राप्त विद्यापीठातून इलेक्ट्रिकल/इलेक्ट्रॉनिक्स/टेलिकम्युनिकेशन इंजिनीअरिंग शाखांमध्ये बॅचलर पदवी किंवा त्याच्याशी संबंधित समकक्ष शिक्षण आवश्यक.
अनुभव –
जहाजांचे डिझाईन/इन्स्टॉलेशन/बांधणी यामध्ये ५ वर्षांचा अनुभव असावा.
महत्वाची सूचना – गरज पडल्यास, उमेदवारांची शैक्षणिक आणि अनुभवाची पात्रतेच्या अटी केंद्रीय लोकसेवा आयोगाकडून शिथिल केल्या जातील.
निवड पद्धती – पात्र उमेदवारांना मुलाखतीसाठी बोलवलं जाईल.
अर्ज शुल्क –
ओपन/ईडब्ल्यूएस/OBC उमेदवारांना २५ रुपये अर्ज शुल्क भरावं लागेल.
II) आरक्षित उमेदवारांना आणि कोणत्याही श्रेणीतील महिला उमेदवारांना अर्ज शुल्क भरण्यात सूट दिली आहे.
सविस्तर आणि अधिकच्या माहितीसाठी इच्छुक उमेदवारांनी upsconline.nic.in या वेबसाईटला अवश्य भेट द्यावी.
