NHPC Recruitment 2024 : नॅशनल हायड्रोइलेक्ट्रिक पॉवर कॉर्पोरेशन लिमिटेडच्या अंतर्गत भरती मोहीम जाहीर करण्यात आली आहे. या भरती अंतर्गत ‘ट्रेनी इंजिनीयर / ट्रेनी ऑफिसर्स’ पदासाठी जागा भरल्या जाणार आहेत. भरतीसाठी पात्र आणि इच्छुक उमेदवारांकडून अर्ज मागविण्यात आले असून, पात्र उमेदवार ऑनलाइन पद्धतीने थेट http://www.nhpcindia.com या अधिकृत वेबसाइटद्वारे अर्ज करू शकतात. अर्ज स्वीकारण्याची प्रक्रिया सुरू झाली असून, अर्ज सादर करण्याची अंतिम तारीख २६ मार्च २०२४ असणार आहे.
NHPC Recruitment 2024 : नॅशनल हायड्रोइलेक्ट्रिक पॉवर कॉर्पोरेशन भरती २०२४ साठी आवश्यक रिक्त पदे आणि पदसंख्या, निवड प्रक्रिया, अर्ज शुल्क, अर्ज कसा करावा याबाबतची माहिती जाणून घेऊ.
रिक्त पदे आणि पदसंख्या – नॅशनल हायड्रोइलेक्ट्रिक पॉवर कॉर्पोरेशन लिमिटेडने GATE २०२३ स्कोअरद्वारे २६९ जागेच्या ट्रेनी इंजिनीयर / ट्रेनी ऑफिसर्स पदासाठी अर्ज मागविले आहेत.
निवड प्रक्रिया – उमेदवारांच्या निवड प्रक्रियेमध्ये GATE २०२३ च्या पेपरमधील १०० पैकी गुण, गट चर्चा, वैयक्तिक मुलाखत आदींचा समावेश असेल.
अर्ज शुल्क – यूआर/ ईडब्ल्यूएस/ ओबीसी (NCL) श्रेणीतील उमेदवारांना ६०० रुपये विनापरतीचे (नॉन-रिफंडेबल) शुल्क भरणे आवश्यक आहे. एससी/एसटी/पीडब्ल्यूबीडी/माजी सैनिक/महिला श्रेणीतील उमेदवारांना नोंदणी शुल्क भरावे लागणार नाही.
अर्ज कसा कराल ?
- नॅशनल हायड्रोइलेक्ट्रिक पॉवर कॉर्पोरेशन लिमिटेडच्या http://www.nhpcindia.com या अधिकृत वेबसाइटला भेट द्या.
- होम पेजवर करिअर टॅबवर क्लिक करा.
- पुढे, एनएचपीसी लिमिटेड ॲण्ड इट्स जॉईंट व्हेन्टचर (NHPC Limited and its Joint Venture)साठी GATE २०२३ स्कोअरद्वारे ‘ट्रेनी इंजिनीयर / ट्रेनी ऑफिसर्स’ पदासाठी भरतीची अधिसूचना वर क्लिक करा.
- त्यानंतर उमेदवारांनी नोंदणी करावी आणि अर्जासह पुढे जावे.
- नंतर उमेदवारांनी अर्जाचा फॉर्म भरावा.
- सर्व आवश्यक कागदपत्रे अपलोड करावीत.
- अर्ज जमा (Submit) करावा.
- संदर्भासाठी या फॉर्मची एक प्रिंटआउटसुद्धा घ्यावी. अशा प्रकारे इच्छुक उमेदवार अर्ज करू शकणार आहेत.
