अग्निवीरांसाठी महत्त्वाची बातमी! आता रेल्वे विभाग भरतीमध्ये देणार आरक्षण, शारीरिक चाचणीसह वयाच्या अटीवरही मिळणार सूट

अग्निवीरांना शारीरिक क्षमता चाचणी आणि वयाच्या अटींवर मिळणार सूट

अग्निवीरांना शारीरिक क्षमता चाचणीसह वयाच्या बंधनावर सूट मिळणार आहे. त्यांच्या पहिल्या बॅचसाठी पाच वर्षं आणि त्यापुढील बॅचसाठी लेव्हल-१, लेव्हल-२ आणि त्यांच्यावर असणाऱ्या पदांसाठी विविध गटांसाठी निश्चित केलेल्या वयाच्या अटींवर सूट दिली जाणार आहे. सूत्रांच्या माहितीनुसार, रेल्वे बोर्डाने सर्व महाव्यवस्थापकांना अधिकृत पत्र पाठवून रेल्वेमध्ये भरती करणाऱ्या संस्थांना वेतन लेव्हल-१ आणि वेतन लेव्हल-२ यांसाठी भरतीमध्ये ठराविक उमेदवारांना (अग्निवीरांना) सवलती देण्यास सांगितले आहे. याअंतर्गत भारतीय सैन्यात चार वर्षांपेक्षा जास्त काळ काम केले आहे, अशा अग्निवीरांना अराजपत्रित पदावर सवलती/ सुविधा मिळणार आहे. केंद्राने मागच्या वर्षी सुरू केलेल्या अग्निपथ भरती योजनेंतर्गत चार वर्षं पूर्ण झाल्यानंतर २५ टक्के भरती केली जाणार आहे. महिला, ज्येष्ठ नागरिक, ट्रान्सजेंडर आणि अपंग व्यक्ती यांसारख्या Horizontal Reservation असलेल्या गटातील उमेदवारांना वर्टिकल श्रेणींच्या माध्यमातून समान संधी दिली जाणार आहे.

आणखी वाचा

मुंबई उच्च न्यायालयाच्या मुख्य न्यायमूर्तीपदी आलोक आराधे; देवेंद्र कुमार यांची दिल्ली उच्च न्यायालयाचे मुख्य न्यायमूर्ती म्हणून बदली

…तर औषधाची गरजच नाही! वाचा निरोगी आयुष्य जगण्यासाठी…

शेकापचे पाटील कुटुंबीय भाजपच्या वाटेवर

मुंबई पोलीस भरतीच्या लेखी परीक्षेत गैरप्रकार, आधीच दिली होती सूचना तरीही…

मुंबईचा डॉ. कार्तिक करकेरा नाशिक मविप्र मॅरेथॉन -२०२५ चा विजेता, पहिले तीनही धावपटू महाराष्ट्रातील

टिपेश्वर अभयारण्यातील दोन वाघ बेपत्ता?

ऑलिम्पिकचे भारतभ्रमण? २०३६ च्या स्पर्धेचे नियोजन कसे? एकापेक्षा अधिक शहरांना का पसंती?

एकनाथ शिंदेंचा शरद पवार व काँग्रेसला दणका, नाशिकमधील मोठ्या नेत्यांचा शिवसेनेत प्रवेश

केंद्र आणि राज्य सरकार यांच्यासह अनेक उद्योग संस्था अग्निवीरांना समान नोकरी आरक्षण योजनांद्वारे करिअरचा योग्य पर्याय उपलब्ध करून देत आहेत. सैन्यामध्ये चार वर्षांचा कार्यकाळ पूर्ण केलेले अग्निवीर कागदोपत्री पुरावे घेऊन रेल्वे भरती एजन्सीद्वारे केल्या जाणाऱ्या भरतीमध्ये सहभागी होऊन नोकरीसाठी अर्ज करू शकतात.

आणखी वाचा – UPSC Recruitment 2023 : २८५ वैद्यकीय अधिकारीसह इतर पदांसाठी होणार भरती, १ जूनपूर्वी करा अर्ज

बोर्डाने पाठवलेल्या पत्रामध्ये सरव्यवस्थापकांना उद्देशून लिहिले आहे की, रिक्त जागांमध्ये नियुक्ती न झाल्यास भरती पुढे न ढकलता त्या जागा संयुक्त गुणवत्ता यादीतील इतर उमेदवारांद्वारे भरल्या जातील. लष्करामध्ये चार वर्षांचा कार्यकाळ पूर्ण केलेल्या उमेदवारांना भरतीमध्ये सहभागी होण्यासाठी २५० रुपये प्रवेश शुल्क म्हणून भरावे लागतील. लेखी परीक्षेला उपस्थित राहिल्यावर उमेदवारांना ही रक्कम परत केली जाईल.

रेल्वेच्या विविध विभागांमध्ये साहाय्यकांच्या नियुक्तीसाठी लेव्हल-१ पदांकरिता परीक्षा घेतली जाईल. लेव्हल-२ आणि त्यावरील श्रेणींमध्ये कनिष्ठ लिपिक, सहटंकलेखक, स्टेशन व्यवस्थापक आणि कनिष्ठ अभियंता या पदांसाठी योग्य उमेदवार निवडले जातील.