RBI Recruitment 2024 : नोकरीच्या शोधात असणाऱ्यांसाठी खरोखरच ही एक मोठी संधी आहे. भरती प्रक्रियेला सुरुवात झाली असून नोकरीच्या शोधात असणाऱ्यांनी अजिबातच वेळ वाया न घालवता भरतीसाठी अर्ज करावा. रिझर्व्ह बँक ऑफ इंडिया, आरबीआयने अधिसूचना जाहीर केली आहे. पात्र उमेदवार आरबीआयच्या अधिकृत वेबसाइट rbi.org.in वर ऑनलाइन अर्ज करू शकतात. या भरती मोहिमेद्वारे संस्थेतील ९४ पदे भरण्यात येणार आहेत. या पदांसाठी अर्ज करण्याची शेवटची तारीख १६ ऑगस्ट २०२४ पर्यंत असणार आहे. परीक्षेचा पहिला आणि दुसरा टप्पा सप्टेंबर आणि ऑक्टोबर २०२४ मध्ये होणार आहे. तर या भरतीसाठी आवश्यक शैक्षणिक पात्रता, अर्ज कसा करायचा, रिक्त पदे याबद्दल सविस्तर जाणून घेऊ या… RBI Recruitment 2024 : रिक्त पद -या भरती अंतर्गत अधिकारी (ऑफिसर) पदांच्या ९४ रिक्त जागांसाठी अर्ज मागवले आहेत. RBI Recruitment 2024 : शैक्षणिक पात्रता -या पदांसाठी अर्ज करू इच्छिणाऱ्या उमेदवारांकडे कोणत्याही शाखेतील पदवी आणि ६० टक्के गुण तर (एससी / एसटी / पीडब्ल्यूबीडी अर्जदारांसाठी ५० टक्के) तर (एससी / एसटी / पीडब्ल्यूबीडी अर्जदारांसाठी \ ५५ टक्के गुणांसह उत्तीर्ण) असणे आवश्यक आहे. RBI Recruitment 2024 : अर्ज फी - अर्ज फी एससी / एसटी / पीडब्ल्यूबीडी उमेदवारांसाठी १०० रुपये प्लस १८ टक्के जीएसटी तर ओबीसी, ईडब्ल्यूएस उमेदवारांसाठी ८५० रुपये प्लस १८ टक्के जीएसटी आहे. उमेदवार डेबिट कार्ड, रूपे, व्हिसा, मास्टर कार्ड, Maestro, क्रेडिट कार्ड, इंटरनेट बँकिंग, आयएमपीएस, कॅश कार्ड्स, मोबाइल वॉलेट्स, यूपीआय वापरून पेमेंट करू शकतात. हेही वाचा.SBI Recruitment For Sportspersons: बँकेत खेळाडूंसाठी नोकरीची सुवर्णसंधी; ६४ हजार रुपयांपर्यंत पगार; ‘या’ तारखेपूर्वी करा अर्ज RBI Recruitment 2024 : निवड प्रक्रिया - १. निवड प्रक्रियेमध्ये पहिला टप्पा, दुसरा टप्पा आणि मुलाखत यांचा समावेश असेल. पहिल्या टप्प्यातील परीक्षेत २०० गुणांसाठी एकच पेपर असेल आणि ती ८ सप्टेंबर २०२४ रोजी घेतली जाईल. उमेदवारांच्या संख्येनुसार, परीक्षा अनेक शिफ्टमध्ये आणि काही इतर दिवशीही घेतली जाऊ शकते. २. दुसऱ्या टप्प्यातील ऑनलाइन परीक्षा १९ ऑक्टोबर २०२४ रोजी फक्त पहिल्या टप्याच्या निकालाच्या आधारे, बोर्डाने ठरवलेल्या कट ऑफच्या आधारे निवडलेल्या उमेदवारांसाठीच घेतली जाईल. ३. त्यानंतर (पेपर-I + पेपर-II + पेपर-III) मध्ये मिळालेल्या एकूण गुणांवर आधारित, उमेदवारांना मुलाखतीसाठी शॉर्टलिस्ट केले जाईल. अधिक माहिती जाणून घेण्यासाठी उमेदवार अधिसूचनादेखील तपासून पाहू शकतात… लिंक : - तर अशाप्रकारे उमेदवार या भरतीप्रक्रियेसाठी अर्ज करू शकणार आहेत…
