SBI Recruitment 2024: स्टेट बँक ऑफ इंडिया म्हणजे एसबीआयने (SBI) ने १५११ रिक्त पदांसाठी भरती प्रक्रिया जाहीर केली आहे. या भरतीच्या अर्जप्रक्रियेला १४ सप्टेंबर २०२४ पासून सुरुवात झाली आहे. उमेदवारांना अर्ज सादर करण्यासाठी ४ ऑक्टोबर २०२४ ही अंतिम तारीख देण्यात आली होती. पण आता मुदतवाढ देत ही तारीख आता १४ ऑक्टोबर करण्यात आली आहे, त्यामुळे या भरतीसाठी उमेदवार १४ ऑक्टोबर २०२४ पर्यंत अर्ज करु शकतात. उमेदवार बँकेच्या अधिकृत वेबसाइट sbi.co.in वर जाऊन ऑनलाईन अर्ज करु शकतात. लेखी परीक्षा आणि सर्व प्रक्रिया पूर्ण केल्यानंतर ही निवड केली जाईल. पण अर्ज करण्यापूर्वी उमेदवारांनी एसबीआयकडून जारी केलेली अधिसूचना नीट वाचून घ्यावी.
SBI SCO रिक्त जागा आणि तपशील (SBI Bank Recruitment 2024 Notification)
स्टेट बँक ऑफ इंडिया (SBI) ने स्पेशलिस्ट कॅडरसाठी १५११ रिक्त जागांसाठी भरतीची जाहिरात प्रसिद्ध केली आहे, ज्याद्वारे विविध विभागांमध्ये डेप्युटी मॅनेजर (सिस्टम) आणि असिस्टंट मॅनेजर (सिस्टम) नियुक्ती केली जाईल.
पदनाम रिक्त जागा (Sarkari Naukri SBI Recruitment 2024)
| रिक्त पद | पदसंख्या |
| १) डेप्युटी मॅनेजर (Systems) – Infra Support & Cloud Operations | ४१२ |
| 2) डेप्युटी मॅनेजर (Systems) – Project Management & Delivery | १८७ |
| ३) डेप्युटी मॅनेजर (Systems) – Networking Operations | ८० |
| ४) डेप्युटी मॅनेजर (Systems) – IT Architect | २७ |
| ५) डेप्युटी मॅनेजर (Systems) – Information Security | ०७ |
| ६) असिस्टंट मॅनेजर (System) | ७९८ |
| एकूण रिक्त पदांची संख्या | १५११ |
शैक्षणिक पात्रता (SBI Bank Recruitment 2024 Qualification)
उमेदवार विद्यापीठातून कॉम्प्युटर सायन्स, इंजिनिअर, आयटी, इलेक्ट्रॉनिक्समध्ये B.Tech/BE/MCA/M असणे आवश्यक आहे. तसेच Tech/MS.c पदवी असणे गरजेचे आहे. परंतु प्रत्येक पदानुसार शैक्षणिक पात्रता वेगवेगळी आहे, त्यामुळे उमेदवारांनी अर्ज करण्यापूर्वी भरतीची अधिकृत अधिसूचना नीट वाचावी,
Read More Todays Trending News : “आता कुठेयत रेल्वे पोलीस अन् टीटी?” व्यक्तीने बांबूने भराभर तोडल्या ट्रेनच्या काचा अन्…; Video पाहून संतापले युजर्स
वयोमर्यादा ( SBI Bank Recruitment 2024 Age Limit)
या पदांसाठी अर्ज करण्यासाठी उमेदवारांचे किमान वय २१/२५ वर्षे आणि कमाल ३०/३५ वर्षे असावे.
पगार (SBI Bank Recruitment 2024 Salary)
डेप्युटी मॅनेजर पदासाठीच्या उमेदवारांना दरमहा रुपये ६४८२०-९३९६०/- वेतन दिले जाईल. तर असिस्टंट मॅनेजरला मूळ वेतन ४८४८०-८५९२०/- रुपये दिले जाईल. याशिवाय उमेदवारांना इतर प्रकारचे भत्तेही दिले जातील.
अर्ज फी (SBI Bank Recruitment 2024 Application Form Fee)
स्टेट बँक ऑफ इंडियाच्या या भरतीसाठी अर्ज करणाऱ्या सामान्य/EWS/OBC श्रेणीतील उमेदवारांना अर्ज फी म्हणून ७५० रुपये भरावे लागतील. तर SC/ST/PWBD उमेदवारांना कोणतेही शुल्क भरावे लागणार नाही.
भरतीशी संबंधित इतर कोणत्याही माहितीसाठी, उमेदवार SBI च्या अधिकृत वेबसाइटला भेट देऊ शकतात.
