ऊसाच्या शेतात केली कोथिंबीरची लागवड, सोलापूरच्या शेतकऱ्याने फक्त ३ दिवसात केली ५० हजार रुपयांची कमाई

solapur farmer's Success Story : सध्या कोथिंबीरचे भाव वाढले आहे. याच पार्श्वभूमीवर सोलापूरच्या एका शेतकऱ्याने एक अनोखा प्रयोग केला आणि हा प्रयोग यशस्वी सुद्धा ठरला.

सोलापूरच्या शेतकऱ्याने कोथिंबीरची लागवड | फक्त ३ दिवसात केली ५० हजार रुपयांची कमाई (Photo : loksatta)

solapur farmer’s Success Story : आपला देश कृषी प्रधान देश आहे . भारतात जास्तीत जास्त लोक प्रत्यक्ष किंवा अप्रत्यक्षपणे शेतीवर अवलंबून व्यवसाय किंवा नोकरी करता. कधी पिकवलेल्या पिकांपासून शेतकऱ्यांचा फायदा होतो तर कधी तोटा होतो तरीसुद्धा हार न मानता शेतकरी शेतामध्ये नवनवीन प्रयोग करताना दिसतात. (solapur farmer Cultivated coriander in sugarcane farm and earned 50 thousand rupees in just 3 days)

सध्या कोथिंबीरचे भाव वाढले आहे. याच पार्श्वभूमीवर सोलापूरच्या एका शेतकऱ्याने एक अनोखा प्रयोग केला आणि हा प्रयोग यशस्वी सुद्धा ठरला. या शेतकऱ्याने त्याच्या ऊसाच्या शेतात आंतरपीक म्हणून कोथिंबीरची लागवड केली आणि फक्त तीन दिवसामध्ये ५० हजार रुपयांची कमाई केली. तुम्हाला विश्वास बसणार नाही पण हे खरंय. सध्या या शेतकऱ्याची आणि त्याच्या या नवीन प्रयोगाची चांगलीच चर्चा सुरू आहे.

आणखी वाचा

लोकशिवार: किफायतशीर हरभरा!

महाराष्ट्राचा पुढचा मुख्यमंत्री कोण होईल? राज ठाकरेंनी थेट…

विधानसभा निवडणुकीत शेतीचे मुद्दे किती प्रभावी? राज्यातील शेतीची सद्यस्थिती काय?

woman cheated grape growers, grape growers,

द्राक्ष उत्पादकांची फसवणूक करणाऱ्या महिलेस दिल्लीत अटक

“परिस्थिती सगळं शिकवते!” लहान वयात भाकरी करत्येय शेतकऱ्याची लेक, Viral Video एकदा बघाच

raju shetti, sugarcane farmers, jaysingpur,

उसाला ३७०० रुपये उचल द्यावी; ‘स्वाभिमानी’च्या परिषदेत मागणी

Coconut Jaggery Barfi : यंदा दिवाळीत बनवा तोंडात टाकताच विरघळणारी बर्फी? नक्की ट्राय करा ‘ही’ रेसिपी; अगदी कमी मेहनत लागेल

Crops on 38 thousand hectares were hit by heavy rains Chandwad Deola and Peth suffered the most damage

मुसळधार पावसाचा ३८ हजार हेक्टरवरील पिकांना फटका; चांदवड, देवळा, पेठमध्ये सर्वाधिक नुकसान

हेही वाचा : मोजे विकतो म्हणून लोकांनी मारले टोमणे, पण जिद्दीने सुरु केला स्वतःचा व्यवसाय; वाचा कोट्यधीश कपिल गर्ग यांचा संघर्षमय प्रवास

सोलापूरच्कोया शेतकऱ्याने कोणता नवीन प्रयोग केला?

सध्या कोथिंबीरचे दर बाजारात चांगलेच वाढले आहेत. कोथिंबीरची एक पेंढी ५० ते ६० रुपयांना विकली जात आहे. हे पाहून सोलापूर जिल्ह्यातील मोहोळ तालुक्याच्या हराडवाडी गावामध्ये राहणाऱ्या शेतकरी लक्ष्मण दत्तात्रय शेळके यांनी ऊसाच्या शेतात आंतरपीक म्हणून ३० ते ३५ किलो धने लावून कोथिंबीरची लागवड केली . त्यानंतर त्यांनी बाजारात जाऊन स्वत: एक पेंडी ५० ते ६० रूपयांना विकली. यातून त्यांनी फक्त तीन दिवसांमध्ये ५० हजार रुपयांची कमाई केली.

हेही वाचा : लंडनमध्ये घेतलं बीबीएचं शिक्षण अन् सगळं सोडून धरली शेतीची वाट; वाचा वर्षाला कोटींची उलाढाल करणाऱ्या हर्षित गोधा यांची यशोगाथा

उन्हाळ्यात अनेक शेतकऱ्यांना कोथिंबीरची लागवड करताना अडचणी येतात. लक्ष्मण यांनी लागवड करताना ही बाब लक्षात घेऊन पाईपद्वारे या कोथिंबिरीला पाणी दिल. त्यामुळे मे महिन्याच्या कडक उन्हाळ्यात त्यांच्या कोथिंबिरीला पाणी पडत राहिल्याने पीक चांगले आल्याचे ते म्हणाले. शेतकरी लक्ष्मण शेळके यांच्या मते, कोथिंबीरचा हाच भाव कायम राहिला तर कोथींबीर विक्री पासून १ लाख रुपयांपर्यंत उत्पन्न मिळू शकते.

शेतकरी लक्ष्मण शेळके यांच्या प्रमाणे तुम्ही सुद्धा तुमच्या शेतात कोथिंबीरची लागवड करू शकता आणि भरघोस नफा मिळवू शकता.

मराठीतील सर्व करिअर बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Solapur farmer cultivated coriander in sugarcane farm and earned 50 thousand rupees in just 3 days ndj

Success Story : ऊसाच्या शेतात केली कोथिंबीरची लागवड, सोलापूरच्या शेतकऱ्याने फक्त ३ दिवसात केली ५० हजार रुपयांची कमाई

सोलापूरच्कोया शेतकऱ्याने कोणता नवीन प्रयोग केला?