Success Story: भारतात असे अनेक शेतकरी आहेत, जे शेतीच्या आधुनिक आणि वेगळ्या पद्धतीमुळे लाखो रुपये कमावतात. यासाठी मेहनत, जिद्द आणि संयमही तितकाच महत्त्वाचा असतो. आज आम्ही अशाच एका यशस्वी शेतकऱ्याचा प्रवास सांगणार आहोत.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
‘बनाना मॅन’ म्हणून प्रसिद्ध असलेले केरळचे विनोद सहदेवन नायर यांचा शेतीचा यशस्वी प्रवास खूप प्रेरणादायी आहे. केळीच्या ५०० हून अधिक जातींची लागवड करून त्यांनी अनेकांसाठी उत्तम उदाहरण तयार केले आहे. त्यांच्या या शेतीतून ते लाखो रुपये कमावतात. केळीच्या विविध जातींबद्दल जनजागृती करण्यासाठी ते केळ्यांचे मोफत वाटपदेखील करतात. त्यांची ही बाग पाहण्यासाठी केरळमध्ये अनेक लोक भेट देतात.
आईच्या निधनानंतर शेती करण्याचा निर्णय
विनोद सहदेवन नायर हे तिरुवनंतपुरमचे रहिवासी आहेत. त्यांनी भौतिकशास्त्रात बीएससी केल्यानंतर काही काळ नोकरी केली. नंतर कोची येथे वेब डिझायनिंग कंपनी सुरू केली. मात्र, आईच्या निधनानंतर ते घरी परत येऊन आपल्या कुटुंबाची शेती करण्यासाठी गावीच राहिले. यावेळी विनोद यांना वेगळ्या प्रकारची शेती करायची होती.
५०० हून अधिक जातीची केळी मिळवली
केरळमध्ये न दिसणाऱ्या केळीच्या जाती त्यांनी गोळा करण्यास सुरुवात केली. यासाठी त्यांनी खूप मेहनत घेतली. विविध जाती गोळा करण्यासाठी ते गुजरात, कर्नाटक, महाराष्ट्र, आंध्र प्रदेश, तामिळनाडू, बंगाल, ओडिशा, आसाम आणि मणिपूर या राज्यांमध्ये गेले. त्यांनी विविध फलोत्पादन विभाग, संशोधन संस्था आणि विद्यापीठांशी संपर्क साधला. सध्या विनोद यांच्या शेतात केळीच्या ५०० जाती आहेत. यामध्ये लेडीज फिंगर केळी, रेड केळी आणि ब्लू जावा या आंतरराष्ट्रीय जातींचाही समावेश आहे.
परदेशातील केळीच्या जाती मिळवल्या
विनोद सहदेवन यांनी मलेशिया, आफ्रिका, ऑस्ट्रेलिया, हवाई आणि होंडुरास यांसारख्या देशांमध्येही प्रवास केला आणि अनेक दुर्मीळ किनारी हवामानातील केळीच्या जाती मिळवल्या. विनोद ही केळी घाऊक बाजारात विकतात आणि यातून दरमहा एक लाखांहून अधिक कमावतात. तसेच ते फेसबुक सोशल मीडियाच्या माध्यामातून अनेकांना याबाबत माहितीदेखील देतात.
‘बनाना मॅन’ म्हणून प्रसिद्ध असलेले केरळचे विनोद सहदेवन नायर यांचा शेतीचा यशस्वी प्रवास खूप प्रेरणादायी आहे. केळीच्या ५०० हून अधिक जातींची लागवड करून त्यांनी अनेकांसाठी उत्तम उदाहरण तयार केले आहे. त्यांच्या या शेतीतून ते लाखो रुपये कमावतात. केळीच्या विविध जातींबद्दल जनजागृती करण्यासाठी ते केळ्यांचे मोफत वाटपदेखील करतात. त्यांची ही बाग पाहण्यासाठी केरळमध्ये अनेक लोक भेट देतात.
आईच्या निधनानंतर शेती करण्याचा निर्णय
विनोद सहदेवन नायर हे तिरुवनंतपुरमचे रहिवासी आहेत. त्यांनी भौतिकशास्त्रात बीएससी केल्यानंतर काही काळ नोकरी केली. नंतर कोची येथे वेब डिझायनिंग कंपनी सुरू केली. मात्र, आईच्या निधनानंतर ते घरी परत येऊन आपल्या कुटुंबाची शेती करण्यासाठी गावीच राहिले. यावेळी विनोद यांना वेगळ्या प्रकारची शेती करायची होती.
५०० हून अधिक जातीची केळी मिळवली
केरळमध्ये न दिसणाऱ्या केळीच्या जाती त्यांनी गोळा करण्यास सुरुवात केली. यासाठी त्यांनी खूप मेहनत घेतली. विविध जाती गोळा करण्यासाठी ते गुजरात, कर्नाटक, महाराष्ट्र, आंध्र प्रदेश, तामिळनाडू, बंगाल, ओडिशा, आसाम आणि मणिपूर या राज्यांमध्ये गेले. त्यांनी विविध फलोत्पादन विभाग, संशोधन संस्था आणि विद्यापीठांशी संपर्क साधला. सध्या विनोद यांच्या शेतात केळीच्या ५०० जाती आहेत. यामध्ये लेडीज फिंगर केळी, रेड केळी आणि ब्लू जावा या आंतरराष्ट्रीय जातींचाही समावेश आहे.
परदेशातील केळीच्या जाती मिळवल्या
विनोद सहदेवन यांनी मलेशिया, आफ्रिका, ऑस्ट्रेलिया, हवाई आणि होंडुरास यांसारख्या देशांमध्येही प्रवास केला आणि अनेक दुर्मीळ किनारी हवामानातील केळीच्या जाती मिळवल्या. विनोद ही केळी घाऊक बाजारात विकतात आणि यातून दरमहा एक लाखांहून अधिक कमावतात. तसेच ते फेसबुक सोशल मीडियाच्या माध्यामातून अनेकांना याबाबत माहितीदेखील देतात.
