Success Story : देशातील श्रीमंतांच्या यादीत नाव असणारे बेनू गोपाल बांगूर नक्की आहेत तरी कोण? वय ९३ तर संपत्ती आहे इतकी; वाचा ‘त्यांची’ यशोगाथा

बेनू गोपाल बांगूर मूळ कोलकत्ताचे रहिवासी आहेत. यांनी कोलकत्ता विद्यापीठातून बी.कॉमची पदवी मिळवली. बेनू गोपाल बांगूर हे अब्जाधीश बाबू मोशाई म्हणूनही ओळखले जातात. हुरुनने जाहीर केलेल्या सर्वात श्रीमंत भारतीयांच्या यादीत त्यांना ३२ वे स्थान दिले आहे. बेनू गोपाल बांगूर यांची एकूण संपत्ती ६५,८०० कोटी रुपये आहे आणि या वर्षी त्यांची संपत्ती १५ टक्क्यांनी वाढ सुद्धा झाली आहे. फोर्ब्सच्यारिअल टाइम बिलियनेअर्स इंडेक्सनुसार, संपत्तीच्या बाबतीत बेनू गोपाल हे एनआर नारायण मूर्ती आणि नुस्ली वाडिया यांसारख्या मोठ्या अब्जाधीशांपेक्षाही पुढे आहेत.

हेही वाचा…Success Story : वडिलांच्या इच्छापूर्तीसाठी UPSC च्या मार्गाची निवड; पहिल्यांदा अपयश अन्… ; वाचा आयएएस अधिकाऱ्याची ‘ही’ गोष्ट

कंपनी पाच भागांमध्ये विभागली :

बनू गोपाल बांगुर यांचा भाऊ राम कूवर बांगूर आणि आजोबा मुंगी राम बांगूर यांनी १९१९ मध्ये कंपनीची स्थापना केली. बेनू गोपाल बांगूर यांचा जन्म १९३१ झाला आणि श्री सिमेंटची स्थापना १९७९ मध्ये करण्यात आली. बांगूर समूहाचा व्यवसाय अनेक उद्योगांमध्ये पसरलेला आहे. १९९१ मध्ये कंपनी पाच भागांमध्ये विभागली गेली. त्यावेळी सिमेंट क्षेत्राची जवाबदारी बेनू गोपाल बांगूर यांच्याकडे देण्यात आली आणि त्यांनी १९९२ मध्ये श्री सिमेंटचे चेअरमन म्हणून पदभार स्वीकारला. जसजसा त्यांच्या व्यवसाय वाढत गेला तसतशी त्यांची कंपनीही वाढत गेली आणि आजच्या घडीला देशातील श्रीमंतांच्या यादीत त्यांचा समावेश आहे. वयाच्या या टप्प्यावर पोहचल्यानंतर २००२ पासून त्यांच्या सिमेंट व्यवसायाची धुरा त्यांचा मुलगा हरी मोहन बांगूर यांच्याकडे सोपवली. तसेच बनू गोपाल बांगुर आपल्या कुटुंबासह कोलकाता येथील एका आलिशान हवेलीत राहतात.असा आहे बेनू गोपाल बांगूर यांचा ( Success Story ) प्रवास…