मुलगा असावा तर असा! वडिलांचं छोटंसं दुकान बदललं कोटींच्या साम्राज्यात, पाहा, अवघ्या २२ व्या वर्षी पठ्ठ्यानं कशी स्थापन केली कंपनी

२०११ मध्ये रचला कंपनीचा पाया

भाविन जेव्हा त्यांच्या वडिलांच्या शर्टच्या व्यवसायात सामील झाले तेव्हा खूप गोष्टी मर्यादित होत्या. भाविनने २०११ मध्ये १० लाख रुपयांच्या गुंतवणुकीने ‘ग्लोब टेक्स्टाइल’ची स्थापना केली. त्यांनी अहमदाबादच्या खोखरा येथे सुमारे १००० स्क्वेअर फुटांच्या युनिटपासून सुरुवात केली. तेथे केवळ पाच कर्मचारी होते. शर्ट्ससोबतच त्यांनी सरोंग, लुंगी आणि निर्यातीसाठी छापील कापडाचे उत्पादन सुरू केले. तसेच कंपन्यांसाठी डेनिम फॅब्रिकचे कंत्राटी उत्पादन सुरू केले. २०१५ मध्ये ‘ग्लोब’ने रेडीमेड डेनिम गार्मेंट व्यवसायात प्रवेश केला. जॅकेट, ड्रेस, हेवीवेट जीन्स आणि डेनिम शर्ट बनवायला सुरुवात केली.

नक्की वाचा

‘लक्ष्मी निवास’ फेम दिव्या पुगावकरची लगीनघाई! शेअर केली लग्नपत्रिकेची खास झलक, २०२१ मध्येच पार पडलेला तिलक समारंभ

Goa Tourism : गोव्याकडे देश-विदेशातील पर्यटकांची पाठ? शॅक…

४ वर्षांच्या रिलेशननंतर ‘ही’ अभिनेत्री अडकली लग्नबंधनात, ‘स्टार प्रवाह’च्या लोकप्रिय मालिकांमध्ये केलंय काम, पती देखील आहे अभिनेता

सोनाली कुलकर्णीने खरेदी केली मर्सिडीज-बेंझ! अभिनेत्रीचं नव्या गाडीसह खास फोटोशूट, कारची किंमत किती?

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार पडला विवाहसोहळा, फोटो आले समोर

मराठी अभिनेत्रीची लेक झाली ‘Apple’ कंपनीची ब्रँड अँबॅसेडर! आईसाठी अभिमानास्पद क्षण; म्हणाली, “लॉस एंजेलिस येथे…”

मराठी अभिनेत्रीची यशोगाथा! जागतिक पातळीवर करतेय देशाचं प्रतिनिधित्व, ‘कार रेसर’ म्हणून मिळवली ओळख, जाणून घ्या…

दारूच्या नशेत महिलेची दादागिरी! कॅबमध्ये ड्रायव्हरबरोबर केलं असं कृत्य की…, VIDEO पाहून येईल संताप

हेही वाचा… बिसलेरीसारख्या कंपन्यांना फुटला घाम! ‘या’ महिलेने वयाच्या १७ व्या वर्षी सांभाळली व्यवसायाची धुरा, कष्टाने कंपनीची उलाढाल ८००० कोटींवर पोहोचवली

दिग्गजांसह काम करतेय कंपनी

कंपनी थर्ड पार्टी मॅन्युफॅक्चरर म्हणून देशातील आणि परदेशांतील मोठ्या ब्रॅण्ड्सना वस्त्रांचा पुरवठा करते. कंपनीच्या भारतीय ग्राहकांमध्ये Being Human, Reliance, Spykar, John Players, Iconic, People व Bayer या ब्रॅण्ड्सचा समावेश आहे. आंतरराष्ट्रीय स्तरावर ही कंपनी Inditex (Zara ची मूळ कंपनी), Splash Group व Landmark Group यांसारख्या मोठ्या ब्रॅण्ड्सना कापड (टेक्स्टाइल) पुरवठा करते. तसेच ती सिंगापूर, इंडोनेशिया, आखाती देश व लॅटिन अमेरिकेतील कंपन्यांनाही सेवा पुरवते.

हेही वाचा… रतन टाटा यांची बिझनेस ऑफर नाकारली आणि वर्षभरात कमावले २३०० कोटी रुपये, वाचा जयंती चौहान यांच्या यशाचं सीक्रेट

आता १५०० कर्मचारी कार्यरत

आधी केवळ पाच कर्मचारी असलेल्या या कंपनीचे मनुष्यबळ १,५०० कर्मचाऱ्यांवर गेले आहे. हे कर्मचारी पाच वेगवेगळ्या युनिटमध्ये काम करतात. त्यापैकी सुमारे १,३०० कर्मचारी सेल्स आणि मॅन्यूफॅक्चरिंग क्षेत्रात आहेत. बाकीचे कर्मचारी मार्केटिंग, फायनान्स, लॉजिस्टिक्स व प्रोडक्शन हाताळतात.

भाविन (वय ४६) यांचा जन्म अहमदाबादमध्ये झाला. त्यांनी १९९७ मध्ये अहमदाबादच्या न्यू सौरभ उच्च माध्यमिक विद्यालयातून शालेय शिक्षण पूर्ण केले. त्यांनी २००० मध्ये ऑस्ट्रेलियातल्या मेलबर्नमधील स्विनबर्न विद्यापीठातून मार्केटिंग आणि फायनान्समधील बीबीए ऑनर्सची पदवी मिळवली.