Success Story Of Nitin Shakya In Marathi : शाळेत प्रत्येक वर्गात एखादा तरी हुशार विद्यार्थी हा असतोच. हा हुशार विद्यार्थी प्रत्येक परीक्षेमध्ये ‘टॉप’ राहत असतो. त्यामुळे आयएएससारख्या प्रतिष्ठित पदांसाठी तो योग्य आहे, असे सर्वांना वाटते. पण, आज आपण अशा एका विद्यार्थ्याबद्दल (Success Story Of Nitin Shakya ) जाणून घेणार आहोत; ज्याच्या शाळेतील मुख्याध्यापकांना तो नापास होईल याची खात्री होती. पण, आज हाच विद्यार्थी यूपीएससी पास होऊन आयएएस अधिकारी होऊन, त्याने शिक्षकांना ते कसे चुकीचे होते ते दाखवून दिले आहे.
तर, या आयएएस अधिकाऱ्याचे नाव नितीन शाक्य (Success Story Of Nitin Shakya ) असे आहे. नितीन यांना १२ वीच्या बोर्डाच्या परीक्षेसाठी प्रवेशपत्र नाकारण्यात आले. कारण- त्याच्या मुख्याध्यापकांना खात्री होती की, तो नापास होईल. तरीही त्यांचा स्वत:वर अतूट विश्वास होता. त्या आत्मविश्वास व मेहनतीच्या बळावर ते केवळ उत्तीर्णच झाले नाहीत, तर त्यांनी बोर्डाच्या परीक्षेत चांगले गुणही मिळवून दाखवले. शिक्षकांचे डोळे दीपविणाऱ्या त्यांच्या या यशामुळे त्यांचा आत्मविश्वास द्विगुणित झाला. त्यामुळे पुढे त्यांना वैद्यकीय करिअर करण्यासाठी प्रेरित करण्यात आले.
यूपीएससी सिव्हिल सर्व्हिसेस परीक्षेची तयारी केली सुरू…
नितीन यांनी वैद्यकीय प्रवेश परीक्षा उत्तीर्ण केली आणि मौलाना आझाद वैद्यकीय महाविद्यालयातून एमबीबीएस पूर्ण केले. ॲनेस्थेसिया आणि क्रिटिकल केअरमध्ये त्यांनी स्पेशलायझेशन (विशेष प्रशिक्षण) घेतले. नंतर त्यांनी लोकनायक हॉस्पिटल, गुरू नानक आय सेंटर व सुश्रुत ट्रॉमा सेंटर येथून काम केले. यावेळी त्यांनी झोपडपट्टीत राहणाऱ्या मुलांची सेवा केली. तेव्हा त्यांच्या लक्षात आले की, एक आयएएस (IAS) अधिकारी म्हणून ते आणखीन चांगले काम करू शकतात.
झोपडपट्टीत राहणाऱ्या मुलांची सेवा करण्याच्या इच्छेने प्रेरित होऊन, नितीन यांनी यूपीएससी सिव्हिल सर्व्हिसेस परीक्षेची (सीएसई) तयारी सुरू केली. तसेच त्यांनी पहिल्याच प्रयत्नात पूर्व परीक्षा आणि मुख्य परीक्षा पास केली; पण ते मुलाखतीत १० गुणांनी मागे पडले. त्यांनी जिद्द कायम ठेवत दोन वेळा प्रयत्न केले; पण ते पूर्व परीक्षा आणि मुख्य परीक्षेच्या पुढे जाऊ शकले नाहीत. या अडथळ्यांनंतरही नितीन यांनी हार मानली नाही. २०१८ मध्ये चौथ्या प्रयत्नात अखेर ते यूपीएससी परीक्षा पास झाले आणि आयएएस अधिकारी होण्याचे स्वप्न (Success Story Of Nitin Shakya ) त्यांनी पूर्ण केले.
