Success Story Of Ujjwal Kumar : स्वप्न सत्यात उतरलं! अंगणवाडी सेविकेचा लेक BPSC परीक्षेत आला अव्वल; वाचा, उज्ज्वल कुमारची गोष्ट

उज्ज्वल कुमार सीतामढी जिल्ह्यातील रायपूर गावचा रहिवासी आहे. उज्ज्वल कुमारचे बाबा सुबोध कुमार गावात कोचिंग सेंटर चालवतात आणि त्याची आई अंगणवाडी सेविका आहे. सीतामढी जिल्ह्यातील रायपूर या छोट्याशा गावात वाढलेल्या उज्ज्वलने त्याच्या आजूबाजूला मर्यादित संसाधने असूनही शिक्षणाला नेहमीच महत्त्व दिले. एनआयटी उत्तराखंड येथे मेकॅनिकल इंजिनियरिंगची पदवी घेण्यासाठी त्याने बरियारपूर येथील किसान कॉलेजमधून १२ वी पूर्ण केली.

हेही वाचा…Success Story Of Manu Agrawal: एकेकाळी ३५ कंपन्यांनी दिला नकार; पण तरीही जिद्दीने सुरू केला स्वतःचा व्यवसाय; वाचा, मनू अग्रवालचा प्रवास

६९ व्या BPSC परीक्षेत पटकवला अव्वल क्रमांक (Success Story Of Ujjwal Kumar) :

उज्ज्वल याने अभियांत्रिकी शिक्षण घेतले असले तरीही प्रशासकीय सेवेत रुजू होण्याचे त्याचे स्वप्न होते. त्याने बीपीएससी परीक्षेची तयारी सुरू केली आणि पहिल्याच प्रयत्नात तो ६७ व्या BPSC परीक्षेत ४९६ वा क्रमांक मिळविला. पण, उज्ज्वलने इथेच हार मानली नाही. त्याच्या दुसऱ्या प्रयत्नात त्याच्या मेहनतीचे फळ मिळाले. त्याने ६९ व्या BPSC परीक्षेत अव्वल क्रमांक पटकवला. आता उज्ज्वल हाजीपूरमध्ये ब्लॉक कल्याण अधिकारी (BWO) म्हणून काम करत आहे.

सकाळी १० ते संध्याकाळी ७ पर्यंत पूर्णवेळ नोकरी आणि त्यानंतर रात्री १० ते २ पर्यंत तो अभ्यास करून परीक्षेची तयार करत असायचा. या शिस्त आणि फोकसमुळे त्याला बीपीएससी परीक्षेत अव्वल येण्याचे स्वप्न पूर्ण करता आले. आज त्याची कथा (Success Story Of Ujjwal Kumar) अनेकांसाठी प्रेरणादायी ठरते आहे. तुम्ही कुठूनही सुरुवात केलीत तरीही योग्य मानसिकता व समर्पणाने, कोणत्याही आव्हानावर मात करणे आणि यश संपादन करणे शक्य असते हे त्याने दाखवून दिले आहे.