Success Story: तरुणाने उभा केला अनोखा व्यवसाय; तुटलेल्या मातीच्या भांड्यांपासून बनवतो नव्या वस्तू; महिन्याला कमावतो लाखो रुपये

पर्यावरणाच्या संरक्षणात मदत

अर्थ एलिमेंट्स कंपन्यांकडून खराब सिरेमिक वस्तू गोळा करते. हे साहित्य पुन्हा वापरता येण्याजोगे बनवले जाते. शशांक म्हणतात, “आमचे पेटंट केलेले पुनर्नवीनीकरण केलेले सिरेमिक मटेरियल TatvaMix नैसर्गिक संसाधनांचे उत्खनन ६० टक्क्यांनी कमी करते, यामुळे पर्यावरणाचे रक्षण होण्यास मदत होते. TatvaMix पारंपरिक सिरेमिकपेक्षा ३५% अधिक मजबूत आहे. ते शिजवण्यासाठी कमी ऊर्जा लागते.”

अर्थ तत्वाची सुरुवात कशी झाली?

शशांक यांनी २०१६-१९ मध्ये अहमदाबादमधील एका संस्थेतून सिरेमिक आणि ग्लास डिझाइनचा कोर्स केला. अभ्यासादरम्यान सिरेमिक कंपन्यांना भेटी दिल्या. तिथे त्यांनी पाहिले की तुटलेल्या सिरेमिक उत्पादनांचा बराच कचरा साचलेला आहे, हे बायोडिग्रेडेबल नाहीत. काही संशोधनानंतर त्यांना असे आढळून आले की, भारतातील एकूण सिरेमिक उत्पादनापैकी सुमारे १५ ते ३० टक्के उत्पादन वाया जाते. त्यांनी या कचऱ्याचा पुनर्वापर करण्याची योजना आखली. २०२० मध्ये गुजरात सरकारकडून २० लाख रुपयांचे अनुदान मिळाले. यानंतर २०२१ मध्ये त्यांनी अर्थ तत्व सुरू केले.

कंपनी कशी काम करते?

त्यांची कंपनी सिरेमिक कचऱ्याचे रूपांतर साच्यात येण्याजोग्या मातीत करते. यानंतर त्यात शुद्ध माती मिसळली जाते. ते नैसर्गिक बाईंडर म्हणून काम करते. मग ते अनेक प्रक्रियांमधून जाते आणि त्यातून एक नवीन द्रावण तयार केले जाते. या द्रावणापासून इतर नवीन सिरेमिक वस्तू बनवल्या जातात. त्यांची कंपनी अनेक ठिकाणी पुनर्नवीनीकरण केलेल्या सिरेमिकपासून बनवलेले उत्पादने विकत आहे. बरेच ग्राहक त्यांच्याकडून पुनर्वापर केलेली मातीदेखील खरेदी करतात. या मातीवर अनेक प्रकारच्या डिझाईन्स बनवल्या जातात. अनेक मोठे ब्रँड त्यांच्यासह काम करण्यास तयार असल्याचे दिसून येते.